|
|
 |
| (GMT+08:00)
2007-05-14 17:46:56
|
 |
|
ຈີນຈະເພີ່ມທະວີການຮ່ວມມືກັບສາກົນໃນຂົງເຂດວາລະສານ
cri
Author: cai
ຕາມຂ່າວCRI:ວັນທີ 14 ພຶດສະພານີ້,ຢູ່ປັກກິ່ງ,ທ່ານຫຼີວປີ່ນເຈຍ ຫົວໜ້າກົມໃຫຍ່ຖະແຫຼງຂ່າວແລະການພິມຈຳໜ່າຍຈີນກ່າວວ່າ,ລັດຖະບານຈີນຈະສືບຕໍ່ເພີ່ມທະວີການຮ່ວມມືກັບສາກົນໃນຂົງເຂດວາລະສານເພື່ອຊຸກຍູ້ໃຫ້ວັດທະນະທຳຂະຫຍາຍເປັນຫຼາຍຮູບການ.
ທ່ານຫຼີວປີ່ນເຈຍໃຫ້ທັດສະນະດັ່ງກ່າວໃນກອງປະຊຸມວາລະສານໂລກຄັ້ງທີ 36 ທີ່ຈັດຂຶ້ນໃນວັນທີ 14 ພຶດສະພານີ້.ທ່ານກ່າວວ່າ,ໃນດ້ານຕ່າງໆເຊັ່ນຂໍ້ມູນຂ່າວສານ ການວາງສະແດງແລະການອົບຮົມນັກວິຊາການເປັນຕົ້ນ,ຈີນຈະສືບຕໍ່ເພີ່ມທະວີການຮ່ວມມືຢ່າງແໜ້ນແຟ້ນກັບອົງການວາລະສານສາກົນແລະວົງການວາລະສານຂອງຕ່າງປະເທດ;ພ້ອມກັນນັ້ນ,ກໍ່ຈະໄຂຕະຫຼາດຕື່ມອີກ,ຕ້ອນຮັບຕ່າງປະເທດເຂົ້າມາຮ່ວມການສົ່ງວາລະສານຈີນໄປຂາຍຢູ່ຕ່າງປະເທດ ການຄ້າສິດທິບັດແລະການປົກປ້ອງສິດທິບັດເປັນຕົ້ນ.ໂຄງການຮ່ວມມືທີ່ຖືກກົດໝາຍລະຫວ່າງວິສາຫະກິດວາລະສານຂອງຕ່າງປະເທດກັບຈີນຈະຊົມໃຊ້ນະໂຍບາຍຄືກັນກັບວິສາຫະກິດຈີນ.
ກອງປະຊຸມວາລະສານໂລກຄັ້ງທີ 36 ໄດ້ໄຂຂຶ້ນຢູ່ປັກກິ່ງໃນວັນທີ 14 ພຶດສະພານີ້ເປັນເວລາ 2 ມື້,ມີເຈົ້າໜ້າທີ່ຂອງຂະແໜງການວາລະສານພັນກວ່າຄົນທີ່ມາຈາກ 45 ປະເທດແລະເຂດແຄວ້ນຂອງໂລກເຂົ້າຮ່ວມເພື່ອປຶກສາຫາລືກ່ຽວກັບສິ່ງທ້າທາຍແລະໂອກາດທີ່ການພັດທະນາວາລະສານພວມປະເຊີນຢູ່.
|
|
|
