|
|
 |
| (GMT+08:00)
2007-05-14 20:56:59
|
 |
|
ປະເທດຕ່າງໆຂອງອາຟິຼກກາຄອງຄອຍຢາກຮ່ວມມືກັບອົງການການທະນາຄານຂອງຈີນ
cri
ຕາມຂ່າວສານຊິນຮວາ,ວັນທີ13ພຶດສະພານີ້,ຢູ່ທີ່ຊຽງໄຮ້,ເຈົ້າໜ້າທີ່ແລະນັກທະນາຄານຂອງປະເທດຕ່າງໆຂອງອາຟິຼກກາທີ່ຈະເຂົ້າຮ່ວມກອງປະຊຸມປະຈຳປີ2007ຂອງສະພາບໍລິຫານຂອງກຸ່ມທະນາຄານພັດທະນາອາຟິຼກກາພາກັນກ່າວວ່າຫວັງຢາກຮ່ວມມືກັບອົງການການທະນາຄານຂອງຈີນເຊິ່ງລວມທັງທະນາຄານພັດທະນາແຫ່ງຊາດຈີນ,ແລະຊົມໃຊ້ບົດຮຽນທີ່ອຸດົມສົມບູນຂອງຈີນໃນດ້າລະດົມທຶນແລະການທະນາຄານລັກສະນະພັດທະນາເປັນຕົ້ນ.
ທ່ານຄາເລັບ ອາແຄນດ໌ ວານາໂຮ ເຈົ້າໜ້າທີ່ກະຊວງການເງິນແຜນການແລະການພັດທະນາເສດຖະກິດອູການດາກ່າວວ່າ,ທະນາຄານພັດທະນາແຫ່ງຊາດຈີນມີຊັບສິນ300ຕື້ໂດລາແລະບົດຮຽນອັນອຸດົມສົມບູນໃນດ້ານການທະນາຄານລັກສະນະພັດທະນາ,ສາມາດສະໜອງການສະໜັບສະໜູນແກ່ປະເທດອາຟິຼກກາໃນຫຼາຍຂົງເຂດ.
ທ່ານວິກໂດ ຄິດິວ໌ ຜູ່ອຳນວຍການໃຫຍ່ຂອງທະນາຄານພັດທະນາເຄັນຢາກ່າວວ່າ,ພວກຂ້າພະເຈົ້າຫວັງຢາກໄດ້ຮັບການສະໜັບສະໜູນດ້ານເງິນທຶນຈາກທະນາຄານພັດທະນາແຫ່ງຊາດຈີນ ລະດົມທຶນໃຫ້ແກ່ໂຄງການພັດທະນາຂອງຂະແໜງການສຳຄັນຂອງເຄັນຢາ,ໂຄງການເຫຼົ່ານີ້ກ່ຽວພັນເຖິງຫຼາຍດ້ານເຊັ່ນເຮືອນຢູ່,ພື້ນຖານໂຄງລ່າງ,ການສຶກສາແລະກະສິກຳເປັນຕົ້ນ.
|
|
|
