|
ພັກລັດຈີນຈະອອກແຮງຊຸກຍູ້ການພົວພັນໄມຕີຈິດຖານບ້ານໃກ້ເຮືອນຄຽງທີ່ດີແລະຮ່ວມມືກັບລາວຮອບດ້ານຄື່ທີ່ຜ່ານມາ
cri
Author: m
ຕາມຂ່າວໜັງສືພິມເຢິນມິນຢື້ປ້າວ: ວັນທີ 14 ພຶດສະພານີ້, ຢູ່ທີ່ປັກກິ່ງ, ທ່ານລິວຊີ ກຳມະການກົມການເມືອງສູນກາງພັກກອມມູນິດຈີນ, ເລຂາຄະນະພັກນະ ຄອນປັກກິ່ງກ່າວວ່າ, ພັກລັດຈີນຈະອອກແຮງຊຸກຍູ້ການພົວພັນໄມຕີຈິດຖານບ້ານໃກ້ເຮືອນຄຽງທີ່ດີແລະຮວມມືກັບລາວຢ່າງຮອບດ້ານຄືແຕ່ກ່ອນຜ່ານມາ.
ໃນເວລາພົບປະກັບທ່ານສົມບັດ ເຢຍລີເຮີ, ຄະນະເລຂາທິການສູນກາງພັກປະຊາຊົນປະຕິວັດລາວ, ເລຂາຄະນະພັກນະຄອນຫຼວງວຽງຈັນ, ທ່ານລິວຊີເວົ້າວ່າ, ໃນຫຼາຍປີມານີ້, ພາຍໃຕ້ການຊຸກຍູ້ຂອງຜູ້ນຳຊັ້ນສູງຂອງພັກລັດສອງປະເທດ, ການພົວພັນຈີນລາວໄດ້ສະໜິດແໜ້ນແຟ້ນແລະລົງເລິກຢ່າງບໍ່ຢຸດຢັ້ງ. ການພົວພັນຈີນລາວໄດ້ກ້າວເຂົ້າສູ່ໄລຍະຂະຫຍາຍຕົວໃໝ່ແລ້ວ. ພັກລັດຈີນຈະຕັ້ງໜ້າປະຕິບັດຄວາມເຫັນທີ່ເປັນເອກະສັນກັນທີ່ຜູ້ນຳສູງສຸດຂອງສອງພັກລັດຈີນລາວໄດ້ຕົກລົງກັນ, ເປັນບ້ານໃກ້ເຮືອນຄຽງທີ່ດີ, ເພື່ອນ, ສະຫາຍ, ແລະໝູ່ຄູ່ທີ່ດີກັບລາວຕະຫຼອດໄປ.
ທ່ານສົມບັດເຢຍລີເຮີກ່າວວ່າ, ພັກແລະລັດຖະບານລາວສຸດທີ່ເອົາໃຈໃສ່ນຳການພົວພັນຮ່ວມມືດ້ວຍໄມຕີຈິດລະຫວ່າງຈີນລາວ. ເຊື່ອວ່າ, ພາຍໃຕ້ຄວາມພະຍາຍາມພ້ອມກັນຂອງທັງສອງຝ່າຍ, ການພົວພັນລາວຈີນຍ່ອມຈະມີອະນາຄົດທີ່ດີງາມກວ່າເກົ່າ, ແລະຈະນຳເອົາຜົນປະໂຫຍດຕົວຈິງຫຼາຍກວ່າເກົ່າມາໃຫ້ປະຊາຊົນສອງປະເທດ.
|
|
