|
ຈີນສົ່ງວັກແຊັງໄຂ້ຫວັດສັດປີກ 42 ໂຕນໄປຮອດຫວຽດນາມ
cri
Author: cai
ຕາມຂ່າວສານຈີນ:ບໍລິສັດການບິນພາກໃຕ້ຈີນແຈ້ງໃຫ້ຊາບວ່າ,ແຕ່ວັນທີ 18 ຫາວັນທີ 29 ພຶດສະພານີ້,ວັກແຊັງຕ້ານເຊື້ອໄຂ້ຫວັດສັດປີກ 42 ໂຕນຈະແບ່ງເປັນ 4 ງວດສົ່ງທາງຍົນຈາກເມືອງຮ່າເອິປີນຂອງຈີນໄປຫວຽດນາມ,ການຂົນສົ່ງດັ່ງກ່າວຮັບເໝົາໂດຍບໍລິສັດການບິນພາກໃຕ້ຈີນ.
ແຕ່ຕົ້ນປີນີ້ມາ,ພະຍາດໄຂ້ຫວັດສັດປີກໄດ້ມີທ່າອ່ຽງແຜ່ລະບາດອີກຢູ່ພາກໃຕ້ຫວຽດນາມ,ໃນຫຼາຍອາທິດທີ່ຜ່ານມາ,ຢູ່ພາກໃຕ້ຫວຽດນາມ,ໄດ້ມີເປັດເກືອບໝື່ນໂຕຕາຍຍ້ອນໄຂ້ຫວັດສັດປີກ.ປະຈຸບັນ,ວັກແຊັງໄຂ້ຫວັດສັດປີກທີ່ຫວຽດນາມຄົ້ນຄວ້າຜະລິດເອງຍັງບໍ່ທັນຮອດຂັ້ນຕອນຜະລິດເທື່ອ.ສະນັ້ນ,ປີນີ້,ລັດຖະບານຫວຽດນາມຍັງຫວັງໃຫ້ລັດຖະບານຈີນສົ່ງວັກແຊັງໄຂ້ຫວັດສັດປີກໃຫ້ຫວຽດນາມອີກ.ການຂົນສົ່ງວັກແຊັງເທື່ອນີ້ກໍ່ແມ່ນການຊ່ວຍເຫຼືອຫວຽດນາມຂອງລັດຖະບານຈີນ.
|
|
