|
ຈີນຈະສ້າງລະບົບຂໍ້ມູນຂ່າວສານອະວະກາດທີ່ປະກອບດ້ວຍດາວທຽມຫຼາຍສິບໜ່ວຍ
cri
ຕາມຂ່າວສານຊິນຮວາ,ວັນທີ16ພຶດສະພານີ້,ຢູ່ທີ່ປັກກິ່ງ,ທ່ານຈ່າງຊິ້ງເວີຍ ຜູ່ອຳນວຍການໃຫຍ່ກຸ່ມບໍລິສັດວິທະຍາສາດເຕັກນິກການບິນອະວະກາດຈີນກ່າວວ່າ,ແຕ່ປີ2006ຮອດປີ2010,ຈີນຈະສ້າງລະບົບຂໍ້ມູນຂ່າວສານອະວະກາດທີ່ປະກອບດ້ວຍດາວທຽມ60ຮອດ70ໜ່ວຍ,ເພື່ອຮັບໃຊ້ການສ້າງສາເສດຖະກິດແຫ່ງຊາດແລະການພັດທະນາສັງຄົມ.
ທ່ານຈ່າງຊິ້ງເວີຍກ່າວວ່າ,ລະບົບຂໍ້ມູນຂ່າວສານດັ່ງກ່າວປະກອບດ້ວຍດາວທຽມໂທລະຄົມວິທະຍຸ,ດາວທຽມຊັບພະຍາກອນໜ່ວຍໂລກ,ດາວທຽມອຸຕຸນິຍົມ,ດາວທຽມຊີ້ທິດແລະດາວທຽມທົດລອງວິທະຍາສາດເປັນຕົ້ນ,ປີໜ້າ,ຈີນຈະຍິງສົ່ງດາວທຽມນ້ອຍ3ໜ່ວຍເພື່ອຕິດຕາມແລະພະຍາກອນສິ່ງແວດລ້ອມແລະໄພທຳມະຊາດແລະມີແຜນຈະເພີ່ມຈຳນວນດາວທຽມໃຫ້ເຖິງ7ໜ່ວຍພາຍໃນ2ຮອດ3ປີ,ຍົກຄວາມສາມາດສັງລວມໃນດ້ານຫຼຸດໄພທຳມະຊາດແລະອະນຸລັກສິ່ງແວດລ້ອມຂອງຈີນໃຫ້ສູງຂຶ້ນຢ່າງຮອບດ້ານ.
ທ່ານຈ່າງຊິ້ງເວີຍຍັງເປີດເຜີຍໃຫ້ຮູ້ວ່າ,ປີນີ້,ຈີນຍັງຈະຍິງສົ່ງດາວທຽມສຳຫຼວດບິນອ້ອມດວງຈັນໜ່ວຍທຳອິດ.
|
|
