|
|
 |
| (GMT+08:00)
2007-05-17 14:09:38
|
 |
|
ປະຊາຄົມໂລກເປັນຫ່ວງນຳສະຖານະການປາເລັສຕິນຫຼາຍ
cri
ຕາມຂ່າວ CRI: ຄຽງຄູ່ກັບການປະທະກັນລະຫວ່າງອົງການຮາມັສກັບອົງການອານຟາຕາປາເລັສຕິນຢູ່ແຖບກາຊາຮຸນແຮງຂຶ້ນຢ່າງບໍ່ຢຸດຢັ້ງ, ວັນທີ 16 ພຶດສະພານີ້, ປະຊາຄົມໂລກໄດ້ສະແດງຄວາມເປັນຫ່ວງນຳທີ່ສຸດ.
ທ່ານບັນກິມູນເລຂາທິການໃຫຍ່ອົງການສະຫະປະຊາຊາດໄດ້ອອກຖະແຫຼງການ, ຮຽກຮ້ອງໃຫ້ຜູ້ນຳປາເລັສຕິນທີ່ຂັດແຍ່ງກັນຈົ່ງໃຊ້ມາດຕະການໃນທັນທີ, ເພື່ອຟື້ນຟູຄວາມສະຫງົບ. ພ້ອມກັນນັ້ນ, ທ່ານຊີ້ອອກວ່າ, ການກະທຳຂອງກຸ່ມປະກອບອາວຸດຂອງປາເລັສຕິນທີ່ຍິງລູກສອນໄຟໄປໃສ່ອິສຣາແອນນັ້ນກໍ່ເປັນເລື່ອງທີ່ຮັບເອົາບໍ່ໄດ້.
ເຢຍລະມັນ, ປະເທດປະທານໝູນວຽນຂອງສະຫະພາບເອີລົບແລະອາເມລິກາກໍ່ຮຽກຮ້ອງໃຫ້ຝ່າຍຕ່າງໆຢຸດຍິງໃນທັນທີແລະຟື້ນຟູການສົນທະນາກັນ.
ທ່ານອາມ ມຸດຊາ ເລຂາທິການໃຫຍ່ສັນນິບາດອາຣັບທີ່ໄປຢ້ຽມຢາມນະຄອນຫຼວງໂຣມກັບທ່ານມາຊິໂມ ດາເລມາ ລັດຖະມົນຕີວ່າການກະຊວງການຕ່າງປະເທດອີຕາລີເປັນເອກະສັນກັນກ່າວວ່າ, ເພື່ອປ້ອງກັນບໍ່ໃຫ້ປາເລັສຕິນເກີດສົງຄາມກາງເມືອງ, ຝ່າຍຕ່າງໆທີ່ກ່ຽວຂ້ອງຕ້ອງຢຸດຍິງໃນທັນທີ.
ສົມເດັດອັບດຸນລາ ບິນຮຸດແຊນທີ 2 ເຈົ້າຊີວິດຊອກດານີຊົງຕັດຕໍ່ສື່ມວນຊົນວ່າ, ຖ້າພາຍໃນປາເລັສຕິນປະທະກັນຕໍ່ໄປ, ກໍຈະສ້າງຜົນກະທົບດ້ານລົບອັນໃຫຍ່ຫຼວງຕໍ່ຂະບວນວິວັດສັນຕິພາບຕາເວັນອອກກາງແລະອະນາຄົດຂອງປາເລັສຕິນ.
|
|
|
