|
|
 |
| (GMT+08:00)
2007-05-17 20:54:21
|
 |
|
ຈີນຍິນດີຊຸກຍູ້ໃຫ້ການພົວພັນກັບຫວຽດນາມກ້າວໄປໜ້າຢ່າງບໍ່ຢຸດຢັ້ງ
cri
Author: shuo
ຕາມຂ່າວCRI:ວັນທີ17ພຶດສະພານີ້,ຢູ່ທີ່ປັກກິ່ງ,ທ່ານອູປາງກົວ ປະທານຄະນະປະຈຳສະພາປະຊາຊົນແຫ່ງຊາດຈີນກ່າວວ່າ,ພັກແລະລັດຖະບານຈີນຈະຍຶດໝັ້ນ ທິດທາງທີ່ວ່າ ສະຖຽນລະພາບເປັນເວລາຍາວນານ ມຸ່ງໜ້າໄປສູ່ອະນາຄົດ ມີໄມຕີຈິດຕໍ່ກັນຖານບ້ານໃກ້ເຮືອນຄຽງ ຮ່ວມມືຢ່າງຮອບດ້ານນັ້ນຢ່າງໝັ້ນໜຽວບໍ່ປ່ຽນແປງ,ພ້ອມກັນກັບຝ່າຍຫວຽດນາມຊຸກຍູ້ໃຫ້ການພົວພັນຈີນຫວຽດນາມກ້າວໄປໜ້າຢ່າງບໍ່ຢຸດຢັ້ງ.
ໃນເວລາພົບປະກັບທ່ານຫງວຽນມີງຈຽດ ປະທານປະເທດຫວຽດນາມ,ທ່ານອູປ່າງກົວໄດ້ຕີລາຄາຢ່າງຕັ້ງໜ້າຕໍ່ການຂະຫຍາຍຕົວຂອງການພົວພັນຈີນຫວຽດ ນາມໃນຫຼາຍປີມານີ້.ທ່ານກ່າວວ່າ,ສະພາປະຊາຊົນແຫ່ງຊາດຈີນເອົາໃຈໃສ່ນຳການຂະຫຍາຍການພົວພັນກັບສະພາແຫ່ງຊາດຫວຽດນາມ,ຍິນດີຮັກສາການໄປມາຫາສູ່ກັນຊັ້ນສູງລະຫວ່າງສອງຝ່າຍ,ແລກປ່ຽນບົດຮຽນດ້ານການປົກຄອງປະເທດແລະສ້າງສາລະບອບກົດໝາຍປະຊາທິປະໄຕ,ປະສານສົມທົບກັນຢ່າງສະໜິດແໜ້ນໃນອົງການສະພາຫຼາຍຝ່າຍ,ເພີ່ມເນື້ອໃນໃໝ່ເຂົ້າໃນການຂະຫຍາຍການພົວພັນຈີນຫວຽດນາມ.
ທ່ານຫງວຽນມີງຈຽດກ່າວວ່າ,ຈຸດປະສົງຂອງການຢ້ຽມຢາມເທື່ອນີ້ຂອງທ່ານກໍແມ່ນເພື່ອຂະຫຍາຍການພົວພັນລະຫວ່າງສອງພັກສອງລັດຕື່ມອີກ,ເຮັດໃຫ້ການຮ່ວມມືທີ່ຕິດແທດຕົວຈິງໃນທຸກຂົງເຂດກ້າວສູ່ລວງເລິກ,ແລະຊຸກຍູ້ການພັດທະນາຮ່ວມກັນ.
|
|
|
