|
|
 |
| (GMT+08:00)
2007-05-21 17:28:05
|
 |
|
ທ່ານນາງອູອີເດີນທາງໄປເຂົ້າຮ່ວມການສົນທະນາເສດຖະກິດຍຸດທະສາດຈີນອາເມລິກາຄັ້ງທີສອງ
cri
Author: sayvanny
ຕາມຂ່າວສານຊີນຮວາ:ຕອນເຊົ້າວັນທີ 21 ພຶດສະພານີ້,ທ່ານນາງອູອີ ຮອງນາຍົກລັດຖະມົນຕີຈີນໄດ້ອອກເດີນທາງຈາກປັກກິ່ງໄປອາເມລິກາເພື່ອເຂົ້າຮ່ວມການສົນທະນາເສດຖະກິດຍຸດທະສາດລະຫວ່າງຈີນອາເມລິກາຄັ້ງທີ 2.
ການສົນທະນາເສດຖະກິດຍຸດທະສາດລະຫວ່າງຈີນອາເມລິກາຄັ້ງທີສອງຈະຈັດຂຶ້ນຢູ່ວໍຊິງຕັນແຕ່ວັນທີ 22 ຫາວັນທີ 23 ພຶດສະພານີ້.ທ່ານນາງອູອີກັບທ່ານແຮນຣີ ພໍເຊິນ ລັດຖະມົນຕີວ່າການກະຊວງການເງິນອາເມລິກາຈະເປັນປະທານຈັດການສົນທະນາເທື່ອນີ້ໃນນາມຜູ່ຕາງຫນ້າພິເສດຂອງປະມຸກລັດຂອງທັງສອງປະເທດ.
ການສົນທະນາເສດຖະກິດຍຸດທະສາດຈີນອາເມລິກາແມ່ນປະມຸກລັດຈີນອາເມລິກາພ້ອມກັນລິເລີ່ມໃຫ້ຈັດຂຶ້ນ,ແມ່ນກົນໄກຫາລືລະດັບສູງສຸດຂອງຈີນກັບອາເມລິກາໃນປັດຈຸບັນ.ການສົນທະນາເທື່ອນີ້ຈະຫາລືກັນໂດຍຫມູນອ້ອມຫົວຂໍ້ການບໍລິການ ການລົງທຶນກັບຄວາມໂປ່ງໃສ ພະລັງງານກັບສິ່ງແວດລ້ອມ ການເຕີບໂຕຢ່າງສະຫມ່ຳສະເຫມີແລະການປະດິດສ້າງເປັນຕົ້ນ.
|
|
|
