|
|
 |
| (GMT+08:00)
2007-05-22 17:19:30
|
 |
|
"ເສດຖະກິດດິນທາມ"ຂອງເຂດນີງເຊ້ຍໄດ້ພັດທະນາຢ່າງຟົດຟື້ນ
cri
Author: shuo
ເມື່ອກ່າວເຖິງເຂດປົກ ຄອງຕົນເອງເຜົ່າຮຸຍນີງເຊ້ຍທີ່ຢູ່ພາກຕາເວັນຕົກສຽງເໜືອຂອງຈີນ,ກ່ອນອື່ນຫຼາຍຄົນຄົງຈະຄິດເຖິງດິນຟ້າອາກາດທີ່ແຫ້ງແລ້ງໄຮ້ຝົນແລະມີດິນຊາຍຢ່າງກວ້າງຂວາງຢູ່ທີ່ນັ້ນ.ທີ່ ຈິງແລ້ວ,ແມ່ນ້ຳເຫຼືອງ ແມ່ນ້ຳຊື່ດັງຂອງຈີນໄຫຼຜ່ານ11ຕົວເມືອງຢູ່ພາກເໜືອເຂດນີງເຊ້ຍ ຈາກທິດໃຕ້ຂຶ້ນເມືອທິດເໜືອ,ແລະໃຫ້ກຳເນີດດິນທາມອັນອຸດົມສົມບູນ.ຫຼາຍປີມານີ້,ຜ່ານການວາງແຜນຢ່າງວິທະຍາສາດແລະການນຳໃຊ້ຢ່າງສົມເຫດສົມຜົນ,ເຂດນີງເຊ້ຍບໍ່ພຽງແຕ່ໄດ້ເພີ່ມທະວີການອະນຸລັກແລະພັດທະນາຊັບພະຍາກອນນ້ຳທໍ່ນັ້ນ,ສິ່ງແວດລ້ອມຊີວະພາບໄດ້ຮັບການປັບປຸງໃຫ້ດີຂຶ້ນຢ່າງເດັ່ນຊັດ,ເສດຖະກິດດິນທາມກໍພັດທະນາຢ່າງຟົດຟື້ນ.ໃນລາຍການແຈ້ງຂ່າວເສດຖະກິດຈີນພາກນີ້,
ຕາມສະຖິຕິຂອງພະແນກບຸກເບີກກະສິກຳເຂດນີງເຊ້ຍ,ປະຈຸບັນນີ້,ເຂດນີງເຊ້ຍມີເນື້ອທີ່ ດິນທາມທຳມະຊາດ2ໝື່ນ1ພັນກວ່າເຮັກຕາ.ທ່ານລິວຈີຕີງ ຫົວໜ້າຫ້ອງການອຸດສາຫະກຳສີຂຽວຂອງພະແນກບຸກເບີກກະສິກຳເຂດນີງເຊ້ຍຮູ້ດີຕໍ່ຊັບພະຍາກອນດິນທາມເຫຼົ່ານີ້.ທ່ານບອກວ່າ,ຫຼາຍປີມານີ້,ເຂດນີງເຊ້ຍໄດ້ເພີ່ມທະວີການອະນຸລັກດິນທາມ.ທ່ານເວົ້າວ່າ:"ຫຼາຍປີມານີ້,ພວກເຮົາເນັ້ນໜັກການອະນຸລັກແລະຟື້ນຟູດິນທາມ,ນຳໃຊ້ຢ່າງວິທະຍາສາດແລະສົມເຫດສົມຜົນ.ກ່ອນອື່ນ,ພວກເຮົາໄດ້ເຮັດຮົ້ວອ້ອມດິນທາມເພື່ອອະນຸລັກແລະບຳລຸງສ້າງ.ດຽວນີ້,ເນື້ອທີ່ນ້ຳໃນດິນທາມຂອງເຂດນີງເຊ້ຍມີປະມານ6600ກວ່າເຮັກຕາ,ຍັງມີ1ໝື່ນ4ພັນກວ່າເຮັກຕາແມ່ນບໍລິເວນນ້ຳຕື້ນແລະດິນເບືອມ."
ຟາມຊີ່ຮູແມ່ນດິນທາມທຳມະຊາດແຫ່ງໜຶ່ງໃນເຂດນີງເຊ້ຍ,ຕັ້ງຢູ່ພາກຕາເວັນຕົກສຽງເໜືອຂອງເມືອງອິນຊ່ວນ ເທດສະບານເຂດນີງເຊ້ຍ,ເນື້ອທີ່ກວ້າງ2ພັນກວ່າເຮັກຕາ.ເມື່ອຮອດລະດູຮ້ອນ,ນ້ຳໄຫຼໃສເຢັນເປັນໜ້າອອນຊອນໃຈ,ເມື່ອຮອດລະດູໜາວກໍປ່ຽນເປັນດິນສີຂາວຈູ່ນພູ່ນຍ້ອນມີທາດເຄັມ.ຫ້າປີກ່ອນ,ຟາມຊີ່ຮູຢຸດປູກເຂົ້າສ່ວນໜຶ່ງເພື່ອໃຫ້ກາຍເປັນໜອງຄືນໃໝ່,ແລະສ້າງສວນສາທາລະນະດິນທາມແຫ່ງໜຶ່ງທີ່ຊື່ວ່າ ຢຸ້ຍໄຫຢູ່ແຫ່ງນີ້.ແຕ່ນັ້ນມາ,ສວນນີ້ໄດ້ກາຍເປັນບ່ອນພັກຜ່ອນຢ່ອນໃຈທີ່ຊາວເມືອງອິນຊ່ວນມັກໄປທ່ຽວ.ໃນລະດູຮ້ອນ,ຄົນທັງຫຼາຍມັກໄປຊົມນົກ ຕຶກເບັດແລະຊົມພືດທີ່ເກີດໃນນ້ຳ,ໃນລະດູໜາວ,ຄົນທັງຫຼາຍກໍຫຼິ້ນຢູ່ເທິງນ້ຳກ້າມ.ສວນຢຸ້ຍໄຫເລີຍກາຍເປັນສວນສາທາລະນະດິນທາມແຫ່ງຊາດແຫ່ງທຳອິດຢູ່ພາກຕາເວັນຕົກສຽງເໜືອຂອງຈີນ.
ທ່ານຮູສິ້ວຟູ້ ຜູ້ຮັບຜິດຊອບສວນຢຸ້ຍໄຫເຫັນວ່າ,ສວນສາທາລະນະດິນທາມໄດ້ປັບ ປຸງສະພາບແວດລ້ອມຊີວະພາບຂອງເມືອງອິນຊ່ວນໃຫ້ດີຂຶ້ນ,ແລະໄດ້ສ້າງຄວາມສະດວກຫຼາຍໃຫ້ຊາວເມືອງ.ທ່ານເວົ້າວ່າ:"ການອະນຸລັກແລະພັດທະນາສວນຢຸ້ຍໄຫ,ບໍ່ພຽງແຕ່ໄດ້ສະໜອງບ່ອນທ່ອງທ່ຽວແຫ່ງໜຶ່ງໃຫ້ຊາວເມືອງອິນຊ່ວນແລະປະຊາຊົນທີ່ຢູ່ໃກ້ ຄຽງທໍ່ນັ້ນ,ຍັງໄດ້ເສີມຂະຫຍາຍບົດບາດທີ່ເປັນ"ໝາກໄຂ່ຫຼັງຂອງຕົວເມືອງ",ກາຍເປັນເຄື່ອງປັບຄຸນນະພາບຂອງອາກາດແລະນ້ຳຂອງເມືອງອິນຊ່ວນ."
ຟາມຊູໂຂຕັ້ງຢູ່ພາກກາງເຂດນີງເຊ້ຍມີເນື້ອທີ່ດິນທາມກວ້າງ2600ກວ່າເຮັກຕາ,ແມ່ນດິນທາມທີ່ໄດ້ຮັບການອະນຸລັກດີກວ່າໝູ່ ພືດພັນຊີວະຊາດກໍມີຫຼາຍກວ່າໝູ່ໃນບັນດາ ດິນທາມແມ່ນ້ຳເຫຼືອງຕອນຢູ່ໃນເຂດນີງເຊ້ຍ.ຟາມຊູໂຂໄດ້ແບ່ງດິນທາມເປັນເຂດສະ ຫງວນ ເຂດຟື້ນຟູແລະເຂດພັດທະນານຳໃຊ້,ໃຊ້ມາດຕະການອະນຸລັກແລະພັດທະນາຕ່າງກັນ.ຢຸ່ເຂດສະຫງວນ,ໄດ້ເຮັດຮົ້ວເພື່ອບຳລຸງສ້າງ,ປ້ອງກັນບໍ່ໃຫ້ຄົນທຳລາຍ;ຢູ່ເຂດຟຶ້ນຟູ,ໄດ້ໃຊ້ມາດຕະການຢຸດປູກເຂົ້າໃຫ້ກາຍເປັນໜອງຄືນໃໝ່;ຢູ່ເຂດພັດທະນານຳໃຊ້, ກໍປູກພືດໃນນ້ຳ,ລ້ຽງສັດນ້ຳ,ເຮັດອຸດສາຫະກຳຜະລິດຕະພັນນ້ຳ.ຍ້ອນວ່າໃກ້ກັບແມ່ນ້ຳເຫຼືອງ,ຄຸນນະພາບນ້ຳດີຈຶ່ງ,ປາໃນທີ່ເກີດຢູ່ນີ້ຂາຍດີຢູ່ທ້ອງຖິ່ນຕ່າງໆ,ການສະໜອງບໍ່ພໍຄວາມຕ້ອງການ,ລາຍໄດ້ຂອງຊາວກະສິກອນຢູ່ແຫ່ງນີ້ຈຶ່ງເພີ່ມຫຼາຍຂຶ້ນຢ່າງເດັ່ນຊັດ.
ຢູ່ເຂດນີງເຊ້ຍ,ການທ່ອງທ່ຽວທາງນ້ຳ ການລ້ຽງຜະລິດຕະພັນນ້ຳ ການລ້ຽງສັດນ້ຳແລະການປູກພືດນ້ຳຖືກເອີ້ນເປັນອຸດສາຫະກຳນ້ຳສີ່ຢ່າງ.ຍ້ອນວ່າໄດ້ເຫັນກຳລັງແຮງບົ່ມຊ້ອນດ້ານການພັດທະນາຂອງຊັບພະຍາກອນດິນທາມ,ແຕ່ທ້າຍປີ2006ເປັນຕົ້ນມາ,ນັກລົງທຶນທີ່ມາຈາກທ້ອງຖິ່ນຕ່າງໆຂອງຈີນພາກັນລົງທຶນຢູ່ເຂດນີງເຊ້ຍ,ມີບາງຄົນລົງທຶນສ້າງຟາມ ລ້ຽງສັດທັນສະໄໝ,ມີບາງຄົນເຂົ້າຮ່ວມການກໍ່ສ້າງພື້ນຖານໂຄງລ່າງຂອງດິນທາມ,ມີບາງຄົນໄດ້ເຮັດການທ່ອງທ່ຽວທາງນ້ຳແລະການລ້ຽງຜະລິດຕະພັນນ້ຳ.
ທ່ານຫຼີຟ່າຈຸ່ນ ຜູ້ອຳນວຍການຂອງບໍລິສັດຜະລິດຕະພັນນ້ຳຟາມຊຽນຈີ້ນທີ່ຢູ່ພາກເໜືອເຂດນີງເຊ້ຍເວົ້າວ່າ:"ຫຼາຍປີມານີ້,ມີຄົນຕ່າງຖິ່ນຢ່າງຫຼວງຫຼາຍມາລ້ຽງປູຢູ່ແຫ່ງນີ້,ນັກ ທຸລະກິດເຫັນວ່າພັດທະນາຢູ່ນີ້ມີອະນາຄົດ,ກໍມີຫຼາຍຄົນມາລ້ຽງປາລ້ຽງປູ.ຜູ້ຊຳນານໃນການລ້ຽງຂອງແຂວງເຈີ້ຈ່ຽງມາຮອດແຫ່ງນີ້,ດ້ານໜຶ່ງມາລົງທຶນ,ດ້ານໜຶ່ງໄດ້ນຳເອົາເຕັກ ນິກລ້ຽງມາໃຫ້,ແລະໄດ້ ດຶງດູດຄວາມຫ້າວຫັນຕໍ່ການລ້ຽງຂອງກຳມະກອນຂອງຟາມພວກເຮົາ."
ປະຈຸບັນນີ້,ເສດຖະກິດດິນທາມຂອງເຂດນີງເຊ້ຍພັດທະນາຢ່າງຟົດຟື້ນທີ່ສຸດ,ພືດ ໃນນ້ຳຕ່າງໆ ເຊັ່ນ ໄມ້ໄຜ່ນ້ຳແລະດອກບົວເປັນຕົ້ນໄດ້ປູກຢ່າງກວ້າງຂວາງ,ການລ້ຽງປູ ປາ ກຸ້ງ ສັດປີກປ່າ ຫ່ານແລະເປັດກໍ່ໄດ້ຮັບການພັດທະນາຕື່ມອີກ.ນອກນີ້,ໂດຍອາໄສຊັບພະຍາກອນທ່ອງທ່ຽວອັນອຸດົມສົມບູນ ຄື ໜອງບຶງແລະດິນທາມເປັນຕົ້ນ, ເຂດນີງເຊ້ຍຍັງໄດ້ສ້າງສວນສາທາລະນະດິນທາມແຫ່ງຊາດແຫ່ງທຳອິດຢູ່ພາກຕາເວັນຕົກສຽງເນື້ອຂອງຈີນ ພ້ອມດ້ວຍບ່ອນລ່າເນື້ອທຳມະຊາດແລະສວນສັດແລະສວນພືດທຳມະຊາດເປັນຕົ້ນ,ອັນໄດ້ເພີ່ມສະເໜ່ໃຫ້ແກ່ການທ່ອງທ່ຽວນີງເຊ້ຍຢ່າງຫຼວງຫຼາຍ.ສະຖິຕິສະແດງໃຫ້ເຫັນວ່າ, ໃນປີ2006,ສວນສາທາລະນະດິນທາມຂອງນີງເຊ້ຍໄດ້ຕ້ອນຮັບນັກທ່ອງທ່ຽວ7ແສນ8ໝື່ນເທື່ອຄົນຈາກພາຍໃນປະເທດແລະຕ່າງປະເທດ.
ຍ້ອນໄດ້ຖອດຖອນບົດຮຽນທີ່ສຳເລັດຜົນຂອງພະແນກບຸກເບີກກະສິກຳຂອງເຂດນີງເຊ້ຍ,ປະຈຸບັນນີ້,ແຫ່ງຕ່າງໆຂອງເຂດນີງເຊ້ຍໄດ້ວາງແຜນພັດທະນາຜະລິດຕະພັນນ້ຳໂດຍອາໄສທ່າແຮງຊັບພະຍາກອນຂອງຕົນ.ອຸດສາຫະກຳນ້ຳຄ່ອຍໆໂປໂລຂຶ້ນໃນຖານະເປັນອຸດສາຫະກຳທີ່ມີສີສັນພິເສດຂອງເຂດນີງເຊ້ຍ.ທ່ານຈ້າວຢົງປ່ຽວ ຫົວໜ້າພະແນກກະສິກຳແລະລ້ຽງສັດຂອງເຂດປົກຄອງຕົນເອງນີງເຊ້ຍກ່າວວ່າ,ຫຼາຍປີຂ້າງໜ້າ,ອຳນາດ ການປົກຄອງທ້ອງຖິ່ນຈະສະໜັບສະໜູນການພັດທະນາອຸດສາຫະກຳນ້ຳຢ່າງເປັນລະບົບ."ອຸດສາຫະກຳນ້ຳສີ່ຢ່າງຂອງເຂດນີງເຊ້ຍພວກເຮົາອຸດົມສົມບູນທີ່ສຸດ,ພວກເຮົາອອກແຮງຊຸດຍູ້ອຸດສາຫະກຳຜະລິດຕະພັນນ້ຳສີ່ຢ່າງນີ້ໂດຍຖືເປັນຈຸດເດັ່ນຂອງການພັດທະນາອຸດສາຫະກຳທີ່ມີສີສັນພິເສດໃນໄລຍະແຜນການຫ້າປີຄັ້ງທີ11,ກຳລັງແຮງບົ່ມຊ້ອນດ້ານການພັດທະນາຂອງເຂດນີງເຊ້ຍພວກເຮົາແຂງແຮງຫຼາຍ,ແລະມີຈຸດເລີ່ມຕົ້ນອັນດີ.ປະຈຸບັນນີ້,ການລ້ຽງປາມີອະນາຄົດອັນດີງາມ,ມີຕະຫຼາດຈຳໜ່າຍຢ່າງກວ້າງຂວາງຢູ່ເຂດແຂວງອ້ອມຂ້າງ ເຊັ່ນ ເຂດຕິເບດ ແຂວງຊິ່ງໄຫ ແຂວງກັ່ນຊູ້ແລະແຂວງສານຊີ່ເປັນຕົ້ນ."
|
|
|
