|
ມູນຄ່າການຄ້າລະຫວ່າງແຂວງຢຸນນານຈີນກັບຫວຽດນາມປີນີ້ຄາດວ່າຈະກາຍ 600 ລ້ານໂດລາ
cri
ຕາມຂ່າວສານຊິ່ນຮວາ: ຫວ່າງມໍ່ໆນີ້, ໃນເວລາເຂົ້າຮ່ວມ "ເວທີປາໄສທຸລະກິດຈີນຫວຽດນາມ", ທ່ານຊິນກວ່າງຍົງ ເຈົ້າແຂວງຢຸນນານພາກຕາເວັນຕົກສຽງໃຕ້ຂອງຈີນກ່າວວ່າ, ຄາດວ່າ, ມູນຄ່າການຄ້າຂາເຂົ້າຂາອອກລະຫວ່າງແຂວງຢຸນນານຈີນກັບຫວຽດນາມໃນປີ 2007 ຈະກາຍ 600 ລ້ານໂດລາ.
ຫຼາຍປີມານີ້, ການຄ້າຂາເຂົ້າຂາອອກລະຫວ່າງແຂວງຢຸນນານກັບຫວຽດນາມຂະຫຍາຍຕົວຢ່າງວ່ອງໄວ. ແຕ່ເດືອນມັງກອນຮອດເດືອນເມສາປີນີ້, ມູນຄ່າການຄ້າຂອງຫວຽດນາມຕໍ່ແຂວງຢຸນນານບັນລຸ 280 ກວ່າລ້ານໂດລາ, ເປັນອັນດັບທີໜຶ່ງໃນ 10 ປະເທດອາຊຽນ. ສອງຝ່າຍແຂວງຢຸນນານກັບຫວຽດນາມໄດ້ດຳເນີນການຮ່ວມມືຢ່າງກວ້າງຂວາງໃນຂົງເຂດຕ່າງໆ, ເຊັ່ນ: ກໍ່ສ້າງພື້ນຖານໂຄງລ່າງ, ຄົມມະນາຄົມຂົນສົ່ງ, ພະລັງງານ, ກະສິກຳ, ການສຶກສາ, ວິທະຍາສາດເຕັກນິກ, ແລະສາທາລະນະສຸກເປັນຕົ້ນ. ຫວ່າງມໍ່ໆນີ້, ທ່ານຊິນກວ່າງຍົງໄດ້ນຳພາຄະນະຜູ້ແທນແຂວງຢຸນນານໄປຢ້ຽມຢາມຫວຽດນາມ, ໄດ້ເຊັນສັນຍາຮ່ວມມື 10 ສະບັບກັບວົງການທຸລະກິດຫວຽດນາມ, ຍອດມູນຄ່າມີເຖິງ 438 ລ້ານໂດລາ, ການຮ່ວມມືເສດຖະກິດການຄ້າລະຫວ່າງແຂວງຢຸນນານກັບຫວຽດນາມມີທ່າຂະຫຍາຍອັນດີງາມ.
|
|
