|
ນາຍົກລັດຖະມົນຕີມາເລເຊຍຮຽກຮ້ອງໃຫ້ສ້າງກົນໄກປ້ອງກັນຮັກສາຄວາມປອດໄພຊີວະຊາດອາຊີ
cri
ຕາມຂ່າວສານຊິ່ນຮວາ: ວັນທີ 21 ພຶດສະພານີ້, ທ່ານອັບດຸນຣາ ອາມັດ ບາດາວີ ນາຍົກລັດຖະມົນຕີມາເລເຊຍກ່າວວ່າ, ພາກພື້ນອາຊີຄວນສ້າງກົນໄກປ້ອງກັນຮັກສາຄວາມປອດໄພຂອງຊີວະຊາດທີ່ບັງເກີດຜົນໂດຍໄວ, ເພື່ອຮັບມືກັບການຂົ່ມຂູ່ຄວາມປອດໄພຂອງຊີວະຊາດທີ່ນັບມື້ນັບພົ້ນເດັ່ນຂຶ້ນ.
ໃນສານທີ່ສົ່ງເຖີງ "ກອງປະຊຸມຄວາມປອດໄພຊີວະຊາດອາຊີປີ 2007", ທ່ານບາດາວີຂຽນວ່າ, ໄພຂົ່ມຂູ່ຊີວະຊາດຕ່າງໆເຊິ່ງລວມທັງພະຍາດແຜ່ລະບາດໄດ້ຂ້າມຊາຍແດນທາງພູມສາດ, ນັກວິຊາການ, ແລະຜູ້ຊ່ຽວຊານຈາກປະເທດອາຊີຄວນອອກແຮງປະສານງານກັນ, ສ້າງລະບົບທີ່ສາມາດປ້ອງກັນແລະຮັບມືກັບໄພຂົ່ມຂູ່ຊີວະຊາດທີ່ບັງເກີດຜົນ, ປ້ອງກັນພາກພື້ນນີ້ບໍ່ໃຫ້ປະສົບການຫຼອນໂຈມຕີຊີວະຊາດໂດຍບັງເອີນຫຼືຕັ້ງໃຈ.
ທ່ານບາດາວີຊີ້ອອກວ່າ, ປະເທດຕ່າງໆນອກຈາກຕ້ອງສ້າງກົນໄກຮັບມືສະພາບສຸກເສີນອັນຈຳເປັນແລ້ວ, ຍັງຄວນວາງມາດຕະການປ້ອງກັນອັນລະອຽດ, ລວມທັງການເພີ່ມທະວີການຄຸ້ມຄອງຕໍ່ການເກັບຮັກສາ, ນຳໃຊ້ແລະການຄ້າຂາຍຢາຊີວະຊາດ, ເພີ່ມທະວີການກວດສອບບຸກຄົນໃນຫ້ອງທົດລອງທີ່ກ່ຽວຂ້ອງເປັນຕົ້ນ.
|
|
