|
ຮອດປີ 2020,ພະລັງງານທີ່ເກີດໃຫມ່ໄດ້ຈະກວມ 16% ໃນພະລັງງານຂອງຈີນ
cri
Author: sayvanny
ຕາມຂ່າວຈາກຫນັງສືພິມເຢີນມີນຢື້ປ້າວຂອງຈີນ:ອີງຕາມໂຄງຄວາມຄິດຂອງລັດຖະບານຈີນ,ເມື່ອຮອດປີ 2020,ພະລັງງານທີ່ເກີດໃຫມ່ໄດ້ໃນອົງປະກອບພະລັງງານຂອງຈີນຈະຈາກ 7% ໃນປັດຈຸບັນເພິ່ມຂຶ້ນເຖິງປະມານ 16%.
ປັດຈຸບັນ, ເຕັກນິກບຸກເບີກພະລັງງານທີ່ເກີດໃຫມ່ໄດ້ຄ່ອຍໆສຸກງອມແລ້ວ,ຕົ້ນທຶນການຜະລິດໄດ້ຫລຸດລົງຢ່າງເດັ່ນຊັດ.ກົດຫມາຍວ່າດ້ວຍພະລັງງານທີ່ເກີດໃຫມ່ໄດ້ໄດ້ເລີ່ມປະຕິບັດຕັ້ງແຕ່ປີກາຍເປັນຕົ້ນມາ,ອັນໄດ້ເຮັດໃຫ້ການບຸກເບີກພະລັງງານທີ່ເກີດໃຫມ່ໄດ້ມີການຮັບປະກັນທາງກົດ ຫມາຍ.
ລັດຖະບານຈີນຍັງໄດ້ວາງແຜນການສ້າງກອງທຶນໃຊ້ສະເພາະ ພັດທະນາພະລັງງານທີ່ເກີດໃຫມ່ໄດ້,ສະຫນັບສະຫນູນການຄົ້ນຄວ້າພັດທະນາເຕັກນິກພະລັງງານທີ່ເກີດໃຫມ່ໄດ້;ຈະໃຫ້ນະໂຍບາຍພິເສດດ້ານ ອາກອນລາຍໄດ້ແກ່ວິສາຫະກິດທີ່ບຸກເບີກແລະນຳໃຊ້ພະລັງງານທີ່ເກີດໃຫມ່ໄດ້,ເພື່ອສະຫນັບສະຫນູນອຸດສາຫະກຳພະລັງງານທີ່ເກີດໃຫມ່ໄດ້ຂະຫຍາຍຕົວໂດຍໄວ.
ພະລັງງານທີ່ເກີດໃຫມ່ໄດ້ແມ່ນຫມາຍເຖິງພະລັງງານທີ່ເກີດໃຫມ່ໄດ້ຢ່າງບໍ່ຢຸດຢັ້ງແລະນຳໃຊ້ຄືນໃຫມ່ໄດ້ຕໍ່ໆໄປໃນທຳມະຊາດ,ບໍ່ມີຜົນຮ້າຍຫລືມີຜົນຮ້າຍຫນ້ອຍທີ່ສຸດຕໍ່ທຳມະຊາດ,ເຫມາະກັບການບຸກເບີກ ນຳໃຊ້ກັບບ່ອນ,ລວມມີພະລັງຕາເວັນ ພະລັງລົມແລະພະລັງນ້ຳ.
|
|
