|
|
 |
| (GMT+08:00)
2007-05-24 17:12:01
|
 |
|
ທ່ານຫູຈີນທາວ ປະທານປະເທດຈີນລົມໂທລະສັບກັບທ່ານຊາໂຄຊີ ປະທານາທິບໍດີຝຣັ່ງ
cri
Author: sayvanny
ຕາມຂ່າວສານຊີນຮວາ: ຕອນຄ່ຳວັນທີ 23 ພຶດສະພານີ້,ທ່ານຫູຈີນທາວ ປະທານປະເທດຈີນໄດ້ລົມໂທລະສັບກັບທ່ານນີກູລາຊາໂຄຊີ ປະ ທານາທິບໍດີຝຣັ່ງ.
ທ່ານຫູຈີນທາວໄດ້ຍ້ອງຍໍທ່ານຊາໂຄຊີທີ່ໄດ້ເອົາໃຈໃສ່ແລະທຸ່ມເທເຫື່ອແຮງເຂົ້າໃນການຂະຫຍາຍການພົວພັນລະຫວ່າງຈີນກັບຝຣັ່ງຕະຫລອດມາ.ທ່ານເວົ້າວ່າ,ຝຣັ່ງແມ່ນປະເທດໃຫຍ່ຝ່າຍຕາເວັນຕົກປະເທດທຳອິດທີ່ສ້າງສາຍສຳພັນການທູດກັບປະເທດຈີນໃຫມ່.ຕັ້ງແຕ່ສ້າງ ສາຍສຳພັນທາງການທູດເປັນເວລາ 43 ປີມາ,ການພົວພັນລະຫວ່າງສອງປະເທດໄດ້ຮັບການຂະຫຍາຍຕົວຢ່າງໃຫຍ່ຫລວງ.ການປັບປຸງແລະເພີ່ມທະວີການພົວພັນລະຫວ່າງຈີນກັບຝຣັ່ງຕື່ມອີກແມ່ນສອດຄ່ອງກັບຜົນປະໂຫຍດພື້ນຖານຂອງປະເທດແລະປະຊາຊົນປະເທດທັງສອງ,ມີຜົນດີຕໍ່ສັນຕິພາບຖາວອນແລະຄວາມຈະເລີນຮຸ່ງເຮືອງທົ່ວໄປຂອງໂລກ.ຝ່າຍຈີນເອົາໃຈໃສ່ຢ່າງສູງຕໍ່ການພົວພັນຈີນຝຣັ່ງ,ຍິນດີພ້ອມກັບຝຣັ່ງສ້າງອະນາຄົດທີ່ດີງາມກວ່າເກົ່າໃຫ້ແກ່ການພົວພັນຄູ່ຍຸດທະສາດຮອບດ້ານລະຫວ່າງຈີນກັບຝຣັ່ງ.
ທ່ານຊາໂຄຊີເວົ້າວ່າ,ຈີນໄດ້ເສີມຂະຫຍາຍບົດບາດສຳຄັນແລະຕັ້ງຫນ້າຢູ່ໃນໂລກ,ການແກ້ໄຂບັນຫາສຳຄັນຫລາຍບັນຫາບໍ່ມີຈີນເຂົ້າຮ່ວມແມ່ນບໍ່ໄດ້. ລັດຖະບານຝຣັ່ງຈະເຮັດຄືຜ່ານມາ,ຄືສຸມກຳລັງຂະຫຍາຍການພົວພັນກັບຈີນແລະຍຶດຫມັ້ນນະໂຍບາຍຈີນດຽວ.
|
|
|
