|
|
 |
| (GMT+08:00)
2007-05-24 20:17:17
|
 |
|
ຄະນະນັກຂ່າວ"ຂະບວນລົດການຮ່ວມມືຈີນອາຊຽນ"ຈັດກອງປະຊຸມຖະແຫຼງຂ່າວຢູ່ກົວລາລຳເປີ
cri
Author: cai
ຕາມຂ່າວCRI:ວັນທີ 24 ພຶດສະພານີ້,ຄະນະນັກຂ່າວປະສົມວິທະຍຸແລະໂທລະພາບ"ຂະບວນລົດການຮ່ວມມືລະຫວ່າງຈີນອາຊຽນ"ໄດ້ຈັດກອງປະຊຸມຖະແຫຼງຂ່າວຢູ່ກົວລາລຳເປີ ນະຄອນຫຼວງມາເລເຊຍ.
ນັກຂ່າວຂອງສື່ມວນຊົນສຳຄັນມາເລເຊຍແລະນັກຂ່າວຂອງສື່ມວນຊົນຈີນປະຈຳມາເລເຊຍໄດ້ເຂົ້າຮ່ວມກອງປະຊຸມຖະແຫຼງຂ່າວ.ໃນກອງປະຊຸມ,ທ່ານຊູ່ຊີ່ນເຊິ່ງ ຜູ້ບັນຊາການສູງສຸດຂອງຄະນະນັກຂ່າວແນະນຳວ່າ,ການເຄື່ອນໄຫວເທື່ອນີ້ມີຈຸດປະສົງເພື່ອແຈ້ງຂ່າວແລະແນະນຳຢ່າງເຕັມທີ່ກ່ຽວກັບໝາກຜົນການຮ່ວມມື ບົດຮຽນໃນການພັດທະນາແລະອະນາຄົດອັນດີງາມຂອງຈີນແລະອາຊຽນໃນຂົງເຂດເສດຖະກິດ ວັດທະນະທຳແລະການທ່ອງທ່ຽວເປັນຕົ້ນໃຫ້ປະຊາຊົນຈີນແລະປະເທດຕ່າງໆຂອງອາຊຽນກໍ່ຄືທົ່ວໂລກຊາບ,ແຈ້ງຂ່າວກ່ຽວກັບຂະບວນວິວັດການສ້າງເຂດການຄ້າເສລີຈີນ-ອາຊຽນ,ຊຸກຍູ້ການຮ່ວມມືໄມຕີຈິດລະຫວ່າງສື່ມວນຊົນຈີນກັບປະເທດຕ່າງໆຂອງອາຊຽນ.
ທ່ານຫຼີຊົງເມິ້ງ ສະມາຊິກສະພາສູງ ກຳມະການສູນກາງສະມາຄົມຊາວຈີນມາເລເຊຍກໍ່ໄດ້ເຂົ້າຮ່ວມກອງປະຊຸມຖະແຫຼງຂ່າວເທື່ອນີ້.ທ່ານກ່າວວ່າ,"ຂະບວນລົດການຮ່ວມມືລະຫວ່າງຈີນ-ອາຊຽນ"ແມ່ນການເຄື່ອນໄຫວທີ່ມີຄວາມໝາຍຫຼາຍ,ຍ່ອມຈະປະກອບສ່ວນເຂົ້າໃນການຊຸກຍູ້ການພົວພັນໄມຕີຈິດລະຫວ່າງມາເລເຊຍກັບຈີນ.
|
|
|
