|
|
 |
| (GMT+08:00)
2007-05-24 20:24:08
|
 |
|
ຈີນຈະວາງຍຸດທະສາດສິດຊັບສິນທາງປັນຍາລະດັບຊາດ ຕໍ່ຕ້ານການກະທຳທີ່ລ່ວງລ້ຳສິດຊັບສິນທາງປັນຍາ
cri
Author: cai
ຕາມຂ່າວCRI:ວັນທີ 24 ພຶດສະພານີ້,ຢູ່ປັກກິ່ງ,ນາງເຊີນຈື້ລີ້ ທີ່ປຶກສາແຫ່ງລັດຈີນກ່າວວ່າ,ຈີນຈະວາງຍຸດທະສາດສິດຊັບສິນທາງປັນຍາລະດັບຊາດ,ເພີ່ມກຳລັງປະຕິບັດກົດໝາຍຕື່ມອີກ,ເດັດດ່ຽວຕໍ່ຕ້ານການກະທຳທີ່ລ່ວງລ້ຳສິດຊັບສິນທາງປັນຍາຕ່າງໆ.
ວັນທີ 24 ພຶດສະພານີ້,ງານວາງສະແດງອຸດສາຫະກຳວິທະຍາສາດເຕັກໂນໂລຊີສາກົນປັກກິ່ງຄັ້ງທີ 10 ໄດ້ໄຂຢູ່ປັກກິ່ງ,ໃນເວລາກ່າວຄຳປາໄສ,ນາງເຊີນຈື້ລີ້ກ່າວວ່າ,ຈີນຍິນດີຕ້ອນຮັບບໍລິສັດຂ້າມຊາດມາຕັ້ງອົງການຄົ້ນຄວ້າພັດທະນາຢູ່ຈີນ,ແລະຈະສືບຕໍ່ພະຍາຍາມສ້າງເງື່ອນໄຂອັນດີງາມໃຫ້ເຂົາເຈົ້າ.ນາງໃຫ້ຄຳໝັ້ນສັນຍາວ່າ,ຈີນຈະເພີ່ມຄວາມເຂັ້ມງວດເພື່ອປົກປ້ອງສິດຊັບສິນທາງປັນຍາຕື່ມອີກ,ປະຕິບັດພັນທະສາກົນທີ່ກ່ຽວຂ້ອງຢ່າງຈິງຈັງ,ຕັ້ງໜ້າຊຸກຍູ້ແລະເຂົ້າຮ່ວມການແລກປ່ຽນແລະການຮ່ວມມືລະຫວ່າງຊາດດ້ານວິທະຍາສາດເຕັກໂນໂລຊີທີ່ມີຫຼາຍລະດັບແລະໃນຂົງເຂດກວ້າງຂວາງ.
ງານວາງສະແດງອຸດສາຫະກຳວິທະຍາສາດເຕັກໂນໂລຊີສາກົນປັກກິ່ງຄັ້ງທີ 10 ແມ່ນຈັດຂຶ້ນຢູ່ປັກກິ່ງແຕ່ວັນທີ 24 ຫາວັນທີ 29 ພຶດສະພານີ້.ມີຄະນະຜູ້ແທນຂອງ 6 ອົງການຈັດຕັ້ງສາກົນເຊັ່ນສະຫະພັນໂທລະຄົມສາກົນເປັນຕົ້ນແລະ 30 ກວ່າປະເທດແລະເຂດແຄວ້ນເຊັ່ນອາເມລິກາ ເຢຍລະມັນແລະຍີ່ປຸ່ນເປັນຕົ້ນເຂົ້າຮ່ວມ.
|
|
|
