|
ຕາມຂ່າວສານຊີນຮວາ:ວັນທີ 24 ພຶດສະພານີ້,ຢູ່ທຳນຽບຂາວທີ່ວໍຊິງຕັນ,ທ່ານຈອດບຸສ ປະທານາທິບໍດີອາເມລິກາໄດ້ພົບປະທ່ານນາງອູອີ ຮອງນາຍົກລັດຖະມົນຕີຈີນ.
ທ່ານນາງອູອີກ່າວວ່າ, ຜົນສຳເລັດທີ່ໄດ້ຮັບໃນການສົນທະນາເສດ ສອງເທື່ອຖະກິດຍຸດທະສາດລະຫວ່າງຈີນກັບອາເມລິກາໄດ້ສະແດງໃຫ້ເຫັນວ່າ,ຢູ່ເບື້ອງຫລັງທີ່ເສດຖະກິດໂລກາພິວັດຂະຫຍາຍຕົວຢ່າງວ່ອງໄວນັ້ນ,ສອງປະເທດຈີນອາເມລິກາສົນທະນາກັນດ້ວຍຄວາມຈິງໃຈແລະຊື່ກົງ,ໄດ້ເພີ່ມຄວາມເຂົ້າໃຈກັນແລະໄວ້ເນື້ອເຊື່ອໃຈກັນຫລາຍຂຶ້ນ,ຊຸກຍູ້ໃຫ້ການພົວພັນເສດຖະກິດການຄ້າລະຫວ່າງສອງປະເທດຈົນເຖິງການພົວພັນໂດຍລວມລະຫວ່າງສອງປະເທດຂະຫຍາຍຕົວຢ່າງຫມັ້ນທ່ຽງ.ຝ່າຍຈີນຍິນດີພ້ອມກັນກັບຝ່າຍອາເມລິກາການທຳຄວາມເຂົ້າໃຈກັນຫລາຍຂຶ້ນແລະປະສານງານ,ຈັດການສົນທະນາກັນໃຫ້ດີຍິ່ງຂຶ້ນ.
ທ່ານບຸສກ່າວວ່າ,ອາເມລິກາແລະຈີນມີຜົນປະໂຫຍດຮ່ວມກັນຢ່າງກວ້າງຂວາງ,ໄດ້ຮັກສາການແລກປ່ຽນແລະຮ່ວມມືໃນບັນຫາສຳຄັນຫລາຍບັນຫາ.ການສົນທະນາເສດຖະກິດຍຸດທະສາດແມ່ນກົນໄກສົນທະນາທາງການທີ່ດີຫລາຍ,ມັນມີຄວາມສຳຄັນຫລາຍຕໍ່ການຮັກສາໃຫ້ການພົວພັນອາເມລິກາຈີນຂະຫຍາຍຕົວຢ່າງປອດໃສ,ຫວັງວ່າການສົນທະນາຮອບຫນ້າຄົງຈະໄດ້ຮັບຫມາກຜົນຕື່ມອີກ.
ທ່ານບຸສຍັງເວົ້າວ່າ, ຂ້າພະເຈົ້າເຂົ້າໃຈຄວາມອ່ອນໄຫວຂອງບັນຫາໄຕ້ຫວັນ,ໃນບັນຫາໄຕ້ຫວັນ ຂ້າພະເຈົ້າຍຶດຫມັນແລະຖືສັດຈະຄັດຄ້ານປ່ຽນແປງສະພາບຮ່ອມທະເລໄຕ້ຫວັນໃນປະຈຸບັນແຕ່ຝ່າຍດຽວ.
|
