|
|
 |
| (GMT+08:00)
2007-05-25 19:06:35
|
 |
|
ທ່ານອັບບາສ໌ຮຽກຮ້ອງໃຫ້ກຸ່ມປະກອບອາວຸດປາເລັສຕີນເຊົາຍິງຈະຫຼວດໃສ່ອິສຣາແອນ
cri
Author: cai
ຕາມຂ່າວCRI:ວັນທີ 24 ພຶດສະພານີ້,ຢູ່ກາຊາ,ທ່ານມາຣມຸດ ອັບບາສ໌ ປະທານອົງການອຳນາດແຫ່ງຊາດປາເລັສຕີນໄດ້ຮຽກຮ້ອງໃຫ້ກຸ່ມປະກອບອາວຸດຕ່າງໆຂອງປາເລັສຕີນເຊົາຍິງຈະຫຼວດໃສ່ອິສຣາແອນໃນທັນທີ,ເພື່ອສ້າງເງື່ອນໄຂໃຫ້ແກ່ປາເລັສຕີນກັບອິສຣາແອນດຳເນີນການເຈລະຈາກັນກ່ຽວກັບບັນຫາເປີດກວ້າງການຢຸດຍິງ.
ທ່ານອັບບາສ໌ສະແດງທ່າທີດັ່ງກ່າວພາຍຫຼັງໄດ້ເຈລະຈາກັບທ່ານຈາເວຍ ໂຊລານາ ຜູ້ຕາງໜ້າຊັ້ງສູງຂອງສະຫະພາບເອີລົບທີ່ຮັບຜິດຊອບນະໂຍບາຍການຕ່າງປະເທດແລະຄວາມປອດໄພທີ່ໄປຢ້ຽມຢາມ.
ໃນມື້ດຽວກັນ,ທະຫານອິສຣາແອນໄດ້ຈັບຕົວສະມາຊິກລະດັບສູງ 30 ກວ່າຄົນຂອງອົງການຮາມາສ໌ເຊິ່ງລວມທັງລັດຖະມົນຕີວ່າການກະຊວງສຶກສາທິການຂອງລັດຖະບານປະສົມແຫ່ງຊາດປາເລັສຕີນຢູ່ຝັ່ງຕາເວັນຕົກແມ່ນ້ຳຈໍແດນໂດຍອ້າງວ່າ"ສະໜັບສະໜູນການຍິງຈະຫຼວດໃສ່ປາເລັສຕີນ".ໃນມື້ດຽວກັນ,ອາເມລິກາໄດ້ສະແດງ"ຄວາມເອົາໃຈໃສ່ເປັນພິເສດ"ຕໍ່ການເຄື່ອນໄຫວດັ່ງກ່າວຂອງອິສຣາແອນ,ຫວັງໃຫ້ຝ່າຍອິສຣາແອນຈົ່ງພິຈາລະນາເຖິງຜົນຮ້າຍຢ້ອນຫຼັງຕ່າງໆຂອງການເຄື່ອນໄຫວດັ່ງກ່າວຕໍ່ການສົນທະນາກັນລະຫວ່າງປາເລັສຕີນກັບອິສຣາແອນແລະການແກ້ໄຂການປະທະກັນລະຫວ່າງສອງຝ່າຍໂດຍສັນຕິ.ອົງການສິດທິມະນຸດອາຣັບທີ່ມີສຳນັກງານໃຫຍ່ຢູ່ເລິແກກໍ່ໄດ້ອອກຖະແຫຼງການ,ກ່າວປະນາມການເຄື່ອນໄຫວດັ່ງກ່າວຂອງອິສຣາແອນໄດ້ຝ່າຝືນສັນຍາສາກົນທີ່ກ່ຽວຂ້ອງ.
|
|
|
