|
ແຕ່ດຳເນີນການປະຕິຮູບແລະໄຂປະຕູສູ່ພາຍນອກເປັນຕົ້ນມາ,ປະຊາກອນຜູ້ທຸກຍາກຂອງຊົນນະບົດຈີນໄດ້ຫຼຸດລົງ228ລ້ານຄົນ
cri
Author: shuo
ຕາມຂ່າວສານຊິນຮວາ:ວັນທີ26ພຶດສະພານີ້,ທ່ານລິວຈ່ຽນ ຮອງຫົວໜ້າໜ່ວຍນຳພາການບຳບັດຄວາມທຸກຍາກແລະການພັດທະນາຂອງລັດຖະບານຈີນເວົ້າວ່າ,ແຕ່ດຳເນີນການປະຕິຮູບແລະໄຂປະຕູສູ່ພາຍນອກເປັນຕົ້ນມາ,ປະຊາກອນຜູ້ທຸກຍາກຂອງຊົນນະບົດຈີນໄດ້ຈາກ250ລ້ານຄົນເມື່ອປີ1978ຫຼຸດລົງຮອດ21ລ້ານ4ແສນ8ໝື່ນຄົນໃນປີ2006,ປະຊາກອນຜູ້ທຸກຍາກຂອງຊົນນະບົດລວມໄດ້ຫຼຸດລົງ228ລ້ານຄົນ.
ທ່ານແມ່ນກ່າວຄຳເວົ້າດັ່ງກ່າວໃນຊຸດອົບຮົມເຈົ້າໜ້າທີ່ບຳບັດຄວາມທຸກຍາກຂອງ10ປະເທດອາຊຽນກັບຈີນ ຍີ່ປຸ່ນແລະສາທາລະນະລັດເກົາຫຼີທີ່ຈັດຂຶ້ນຢູ່ເມືອງນານນີງ ຕົວເມືອງພາກໃຕ້ຂອງຈີນ.
ມີຂໍ້ມູນທີ່ກ່ຽວຂ້ອງສະແດງໃຫ້ເຫັນວ່າ,ຈີນແມ່ນປະເທດພຽງໜຶ່ງດຽວໃນໂລກປະຈຸບັນທີ່ໄດ້ບັນລຸເປົ້າໝາຍທີ່ເຮັດໃຫ້ປະຊາກອນຜູ້ທຸກຍາກຫຼຸດລົງເຄິ່ງໜຶ່ງກ່ອນເວລາກຳນົດ.ເປົ້າໝາຍດັ່ງກ່າວແມ່ນເປົ້າໝາຍອັນໜຶ່ງໃນເປົ້າໝາຍພັດທະນາສະຫະສະວັດຂອງສະຫະປະຊາຊາດ.ທະນາຄານໂລກເຫັນວ່າ,ຖ້າວ່າບໍ່ມີການປະກອບສ່ວນຂອງຈີນ,ປະຊາກອນຜູ້ທຸກຍາກຂອງທົ່ວໂລກຈະປະກົດມີທ່ວງທ່າເພີ່ມຂຶ້ນ.
ແຕ່ວ່າ,ທ່ານລິວຈ່ຽນກໍ່ຊີ້ອອກວ່າ,ປະຊາກອນຜູ້ທຸກຍາກ20ລ້ານກວ່າຄົນຂອງຈີນໃນປະຈຸ ບັນບໍ່ແມ່ນຊຸມຊົນທີ່ໝັ້ນທ່ຽງ,ຫ້າມແມ່ນປະກົດຂຶ້ນແບບເໜັງຕີງໃນປະຊາກອນ100ລ້ານກວ່າຄົນທີ່ຕ້ອງການການບຳບັດ,ໜ້າທີ່ກຳຈັດຄວາມທຸກຍາກຂອງຈີນຍັງລຳບາກສົມຄວນ.
|
|
