|
|
 |
| (GMT+08:00)
2007-05-27 18:52:12
|
 |
|
ລັດຖະມົນຕີການຕ່າງປະເທດເຢຍລະມັນກ່າວວ່າເອີລົບຫວັງຢາກເປີດກວ້າງການຮ່ວມມືກັບອາຊີ
cri
ຕາມຂ່າວສານຊິນຮວາ,ວັນທີ26ພຶດສະພານີ້,ທ່ານແຟຼງກ໌ ວອນເທີ ສະເຕນເມເອີ ລັດຖະມົນຕີວ່າການກະຊວງການຕ່າງປະເທດເຢຍລະມັນ ປະເທດປະທານໝູນວຽນຂອງສະຫະພາບເອີລົບໄດ້ໃຫ້ສຳພາດຕໍ່ໜັງສືພິມແຮມເບີເກີ ອາເບັນບຼັດ ໂດຍກ່າວວ່າ,ກອງປະຊຸມລັດຖະມົນຕີການຕ່າງປະເທດອາຊີເອີລົບຄັ້ງທີ8ຈະຈັດຂຶ້ນຢູ່ເມືອງແຮມເບີເກີແຫ່ງເຢຍລະມັນແຕ່ວັນທີ28ຮອດວັນທີ29ພຶດສະພານີ້,ກອງປະຊຸມຈະປຶກສາຫາລືບັນຫາເອີລົບອາຊີພ້ອມດ້ວຍບັນຫາສາກົນ,ເອີລົບຫວັງຢາກເປີດກວ້າງການຮ່ວມມືກັບອາຊີຕື່ມອີກ.
ທ່ານສະເຕນເມເອີ ກ່າວວ່າ,ຈະມີ46ຄະນະຜູ່ແທນຂອງທະວີບອາຊີແລະເອີລົບມາເຂົ້າຮ່ວມກອງປະຊຸມລັດຖະມົນຕີການຕ່າງປະເທດອາຊີເອີລົບຄັ້ງນີ້.ອາຊີແມ່ນພາກພື້ນທີ່ເຕັມໄປດ້ວຍພະລັງຊີວິດດ້ານເສດຖະກິດ,ບໍລິສັດຂອງເຢຍລະມັນແລະປະເທດອື່ນໆຂອງເອີລົບລ້ວນແຕ່ໄດ້ຮັບຜົນປະໂຫຍດອັນມະຫາສານຈາກອາຊີ.ທ່ານກ່າວວ່າ,ເອີລົບຫວັງຢາກຮ່ວມກັບອາຊີເປີດກວ້າງການຮ່ວມມືຕື່ມອີກ.ນອກນີ້,ທ່ານຍັງຫວັງໃຫ້ສອງຝ່າຍດຳເນີນການແກ່ງແຍ່ງຢ່າງຍຸດຕິທຳໃນຂົງເຂດເສດຖະກິດ.
ຕາມທ່ານສະເຕນເມເອີບອກວ່າ,ພະລັງງານແລະການອະນຸລັກສິ່ງແວດລ້ອມຈະແມ່ນຫົວຂໍ້ຕົ້ນຕໍຂອງກອງປະຊຸມຄັ້ງນີ້.
|
|
|
