|
|
 |
| (GMT+08:00)
2007-05-28 20:33:24
|
 |
|
ທ່ານລິວຢຸນຊ່ານພົບປະຄະນະຜູ້ແທນເລຂາຄະນະພັກແຂວງຂອງຫວຽດນາມ
cri
ຕາມຂ່າວສານຊິ່ນຮວາ: ຕອນບ່າຍວັນທີ 28 ພຶດສະພານີ້, ໃນຫໍສະພາປະຊາຊົນ, ທ່ານລິວຢຸນຊ່ານ, ກຳມະການກົມການເມືອງສູນກາງພັກກອມມູນິດຈີນ, ເລຂາຄະນະເລຂາສູນກາງພັກກອມມູນິດຈີນ, ຫົວໜ້າຄະນະໂຄສະນາການສູນກາງພັກກອມມູນິດຈີນໄດ້ພົບປະຄະນະຜູ້ແທນເລຂາຄະນະພັກແຂວງຂອງພັກກອມມູນິດຫວຽດນາມທີ່ນຳໂດຍທ່ານຝົງກວກຫຽນກຳມະການສູນກາງພັກກອມມູນິດຫວຽດນາມ, ເລຂາຄະນະພັກແຂວງອຽນບາຍ.
ທ່ານລິວຢຸນຊ່ານກ່າວວ່າ, ພາຍໃຕ້ການອົບຮົມດ້ວຍຄວາມພາກພພຽນຂອງຜູ້ນຳຫຼາຍເຊັ່ນຄົນຂອງສອງຝ່າຍ, ມິດຕະພາບອັນມີມູນເຊື້ອລະຫວ່າງຈີນກັບຫວຽດນາມໄດ້ປັບປຸງແລະຂະຫຍາຍຕົວຢ່າງບໍ່ຢຸດຢັ້ງ, ໄດ້ນຳເອົາຜົນປະໂຫຍດຕົວຈິງມາໃຫ້ປະຊາຊົນສອງປະເທດ, ພວກເຮົາຄວນຮັກສາຢ່າງພກພຽນແລະຖະໜອມຫວງແຫນຢ່າງຄຸບເທົ່າ. ພັກແລະລັດຈີນຈະພ້ອມກັນກັບຝ່າຍຫວຽດນາມ, ຊຸກຍູ້ໃຫ້ການພົວພັນບ້ານໃກ້ເຮືອນຄຽງແລະການຮ່ວມມືຮອບດ້ານລະຫວ່າງຈີນກັບຫວຽດນາມຂຶ້ນສູ່ລະດັບສູງໃໝ່.
ທ່ານຝົງກວກຫຽນກ່າວວ່າ, ຝ່າຍຫວຽດນາມເອົາໃຈໃສ່ໃນລະດັບສູງຕໍ່ການພົວພັນຮ່ວມມືດ້ວຍໄມຕີຈິດລະຫວ່າງສອງພັກແລະສອງລັດຫວຽດນາມກັບຈີນ, ເອົາໃຈໃສ່ໃນລະດັບສູງນຳການຊອກຄົ້ນທິດສະດີແລະບົດຮຽນພຶດຕິກຳອັນສຳຄັນຂອງພັກຈີນໃນການນຳພາດຳເນີນພາລະກິດການປະຕິຮູບເປີດປະຕູສູ່ພາຍນອກ, ຍິນດີເພີ່ມທະວີການແລກປ່ຽນກັບຝ່າຍຈີນ, ຮໍ່າຮຽນແລະຖອດຖອນບົດຮຽນເຊິ່ງກັນແລະກັນ, ພ້ອມກັນຊຸກຍູ້ພາລະກິດສັງຄົມນິຍົມໃຫ້ຂະຫຍາຍຕົວໄປໜ້າ.
|
|
|
