|
|
 |
| (GMT+08:00)
2007-05-30 12:13:54
|
 |
|
ຈີນວາງຂໍ້ສະເໜີເພື່ອຊຸກຍູ້ການຮ່ວມມືອາຊີກັບເອີລົບໃຫ້ມີການພັດທະນາຕື່ມອີກ
cri
Author: shuo
ຕາມຂ່າວສານຊິນຮວາ:ກອງປະຊຸມລັດຖະມົນຕີການຕ່າງປະເທດອາຊີເອີລົບຄັ້ງທີ8ໄດ້ຈັດຂຶ້ນຢູ່ເມືອງແຮມເບີເກີຂອງເຢຍລະມັນແຕ່ວັນທີ28ຫາວັນທີ29ພຶດສະພານີ້.ວັນທີ29ພຶດສະພາ,ໃນເວລາປະກອບຄຳຄິດຄຳເຫັນໃນກອງປະຊຸມ,ທ່ານຢາງເຈຊື ລັດຖະມົນຕີວ່າການກະຊວງການຕ່າງປະເທດຈີນໄດ້ບັນລະຍາຍຄວາມເຫັນກ່ຽວກັບການຊຸກຍູ້ການຮ່ວມມືລະຫວ່າງອາຊີກັບເອີລົບໃຕ້ສະຖານະການໃໝ່,ແລະຕັ້ງໜ້າຕີລາຄາຄວາມຄືບໜ້າທີ່ກົນໄກກອງປະຊຸມອາຊີເອີລົບໄດ້ຮັບແຕ່ສ້າງຂຶ້ນ10ປີມານີ້.
ກ່ຽວກັບການຊຸກຍູ້ການຮ່ວມມືລະຫວ່າງອາຊີກັບເອີລົບໃຫ້ມີການພັດທະນາຕື່ມອີກໃນ10 ປີຕໍ່ໜ້າ,ທ່ານຢາງເຈຊືຍັງໄດ້ວາງຂໍ້ສະເໜີຕ່າງໆ ຄື ຊຸກຍູ້ລັດທິຫຼາຍຝ່າຍ,ເພີ່ມທະວີການສົນທະນາແລະຄວາມໄວ້ເນື້ອເຊື່ອໃຈກັນດ້ານການເມືອງ;ລົງເລິກການຮ່ວມມືຕົວຈິງ,ຊຸກຍູ້ໃຫ້ເສດຖະກິດໂລກພັດທະນາຢ່າງກ້ຳເກີ່ງກັນ;ເສີມສ້າງການພົວພັນຄູ່ຮ່ວມມື,ຮັບປະກັນຄວາມປອດໄພຂອງພະລັງງານ,ຮັບມືກັບການທ້າທາຍຈາກການປ່ຽນແປງຂອງດິນຟ້າອາກາດຢ່າງບັງເກີດຜົນ;ໂຄລົບຄວາມຫຼາກຫຼາຍ,ສືບຕໍ່ຊຸກຍູ້ການສົນທະນາລະຫວ່າງອາລະຍະກຳແລະວັດທະນະທຳທີ່ຕ່າງກັນແລະອື່ນໆ.
ທ່ານຢາງເຈຊືຍັງໄດ້ບັນລະຍາຍຫຼັກໝັ້ນຫຼັກການຂອງຈີນໃນຫຼາຍບັນຫາ ຄືບັນຫານິວເຄຼຍຂອງອີຣານ ບັນຫາປອດນິວເຄຼຍຂອງແຫຼມເກົາຫຼີເປັນຕົ້ນ,ໄດ້ແນະນຳສະພາບການທີ່ຈີນກະກຽມກອງປະຊຸມສຸດຍອດອາຊີເອີລົບຄັ້ງທີ7ທີ່ຈະຈັດຈັດຂຶ້ນໃນປີ2008.ຈີນແມ່ນປະເທດເຈົ້າພາບຂອງກອງປະຊຸມຄັ້ງນີ້.
ພາຍຫຼັງກອງປະຊຸມໃນວັນທີ29ພຶດສະພາອັດລົງແລ້ວ,ເຢຍລະມັນໃນຖານະເປັນປະເທດເຈົ້າພາບໄດ້ອອກຖະແຫຼງການກອງປະຊຸມ,ກ່າວເນັ້ນວ່າ,ປະເທດຕ່າງໆຂອງເອີລົບແລະອາຊີຄວນນຳໃຊ້ກົນໄກກອງປະຊຸມອາຊີເອີລົບ,ເພີ່ມທະວີການສົນທະນາແລະການຮ່ວມມື,ເພື່ອຮັບມືກັບບັນຫາແລະການທ້າທາຍທີ່ປະເຊີນນຳກັນ.
|
|
|
