|
ທ່ານອັບບັສປະກາດວ່າ, ຈະຈັດການເຈລະຈາກັບທ່ານເອຮຸດ ໂອນເມິດໃນອາທິດໜ້າ
cri
ຕາມຂ່າວສານຊິ່ນຮວາ: ວັນທີ 29 ພຶດສະພານີ້, ທ່ານໂມຮາມຸດອັບບັສ ປະທານອົງການອຳນາດແຫ່ງຊາດປາເລັສຕິນປະກາດວ່າ, ທ່ານຈະຈັດການເຈລະຈາກັບທ່ານເອຮຸດ ໂອນເມິດ ນາຍົກລັດຖະມົນຕີອິສຣາແອນໃນວັນທີ 7 ມິຖຸນາ, ຫາລືບັນຫາຄວາມປອດໄພລະຫວ່າງປາເລັສຕິນກັບອິສຣາແອນ.
ທ່ານອັບບັສກ່າວວ່າ, ເຖິງວ່າປະຈຸບັນ, ປາເລັສຕິນກັບອິສຣາແອນໄດ້ເກີດການປະທະກັນຢ່າງຮ້າຍແຮງກໍຕາມ, ແຕ່ການເຈລະຈາລະຫວ່າງສອງຝ່າຍຍັງຕ້ອງດຳເນີນຕໍ່ໄປ. ປະຈຸບັນ, ຝ່າຍຕ່າງໆຂອງປາເລັສຕິນກຳລັງຄົ້ນຄວ້າຂໍ້ສະເໜີໃຫ້ຢຸດຍິງກັບອິສຣາແອນທີ່ທ່ານສະເໜີອອກມາ, ຖ້າຝ່າຍຕ່າງໆມີຄວາມເຫັນເປັນເອກະສັນກັນກ່ຽວກັບຂໍ້ລິເລີ່ມດັ່ງກ່າວ, ທ່ານກໍ່ຈະນຳສະເໜີໃຫ້ຝ່າຍອິສຣາແອນ.
ມື້ດຽວກັນ, ຝ່າຍອິສຣາແອນກໍ່ໄດ້ຢືນຢັນຂ່າວກ່ຽວກັບການເຈລະຈາເທື່ອນີ້.
|
|
