|
ເອກອັກຄະນະລັດຖະທູດຈີນປະຈຳອິນໂດເນເຊຍກ່າວວ່າ, ການພົວພັນຄູ່ຍຸດທະສາດລະຫວ່າງຈີນກັບອິນໂດເນເຊຍໄດ້ຮັບການປັບປຸງແລະການລົງເລິກຢ່າງບໍ່ຢຸດຢັ້ງ
cri
ຕາມຂ່າວ CRI: ວັນທີ 31 ພຶດສະພານີ້, ທ່ານລານລີ້ຈຸ້ນ ເອກອັກຄະລະຖະທູດຈີນປະຈຳອິນໂດເນເຊຍກ່າວວ່າ, ປະຈຸບັນ, ການພົວພັນຮ່ວມມືດ້ວຍໄມຕີຈິດໃນຂົງເຂດຕ່າງໆລະຫວ່າງຈີນກັບອິນໂດເນເຊຍກຳລັງຢູ່ໃນໄລຍະດີທີ່ສຸດໃນປະຫວັດສາດ, ແລະຈະໄດ້ຮັບການປັບປຸງແລະການລົງເລິກຢ່າງບໍ່ຢຸດຢັ້ງ.
ໃນເວລາໃຫ້ສຳພາດຕໍ່ຄະນະນັກຂ່າວແຫ່ງ "ການທ່ອງທ່ຽວເພື່ອການຮ່ວມມືຈີນອາຊຽນ", ທ່ານລານລີ້ຈຸ້ນເວົ້າວ່າ, ການຕົກລົງການພົວພັນຄູ່ຍຸດທະສາດລະຫວ່າງຈີນກັບອິນໂດເນເຊຍໄດ້ຊຸກຍູ້ການຂະຫຍາຍການຮ່ວມມືໃນການພົວພັນລະຫວ່າງສອງປະເທດໃຫ້ກ້າວຂຶ້ນສູ່ໄລຍະປະຫວັດ ສາດໃໝ່, ແລະກໍ່ໄດ້ຊີ້ທິດທາງທີ່ຈະແຈ້ງກວ່າເກົ່າໃຫ້ການຂະຫຍາຍການພົວພັນສອງຝ່າຍໃນອະນາຄົດ. ປະຈຸບັນ, ພາກສ່ວນທີ່ກ່ຽວຂ້ອງຂອງສອງປະເທດກຳລັງເລັ່ງລັດວາງແຜນການເຄື່ອນໄຫວແຫ່ງການພົວພັນຄູ່ຍຸດທະສາດ, ກຳນົດຈຸດໜັກແລະຂົງເຂດຂອງການຮ່ວມມືຍຸດທະສາດລະຫວ່າງສອງປະເທດໃຫ້ຈະແຈ້ງແລະລະອຽດຕື່ມອີກ, ສ້າງພື້ນຖານແຫ່ງການພົວພັນຄູ່ຍຸດທະສາດໃຫ້ແໜ້ນໜາກວ່າເກົ່າ.
|
|
