|
ການລົງທຶນຢູ່ຕ່າງປະເທດໂດຍກົງຂອງຈີນເພີ່ມຂຶ້ນຢ່າງວ່ອງໄວ
cri
ຕາມໜັງສືພິມເຢິນມິນຢື້ປ້າວສະບັບຕ່າງປະເທດ: ປີນີ້, ການລົງທຶນຢູ່ຕ່າງປະເທດໂດຍກົງຂອງຈີນຈະສືບຕໍ່ພັດທະນາຢ່າງວ່ອງໄວ, ຄາດວ່າ, ໝົດປີນີ້ຈະບັນລຸ 16 ຕື້ໂດລາ, ເພີ່ມຂຶ້ນ 30% ເມື່ອທຽບໃສ່ປີກາຍນີ້.
ນັບມາຮອດທ້າຍປີ 2006, ການລົງທຶນຢູ່ຕ່າງປະເທດໂດຍກົງຂອງຈີນທັງໝົດໄດ້ບັນລຸ 73 ຕື້ 330 ລ້ານໂດລາ, ແຈກຢາຍຢູ່ 163 ປະເທດແລະເຂດແຄ້ວນໃນທົ່ວໂລກ, ວິສາຫະກິດທີ່ແມ່ນທຶນຂອງຈີນຢູ່ຕ່າງປະເທດໄດ້ມີ 1 ໝຶ່ນ 673 ແຫ່ງ.
ເຈົ້າໜ້າທີ່ກະຊວງການຄ້າຈີນກ່າວວ່າ, ປີ 2006, ການລຽນລຳດັບຂອງການລົງທຶນຢູ່ຕ່າງປະເທດໂດຍກົງທີ່ບໍ່ແມ່ນປະເພດການທະນາຄານຂອງຈີນໃນໂລກໄດ້ເພີ່ມຂຶ້ນຈາກທີ 17 ໃນປີ 2005 ຮອດທີ 13, ໃນນັ້ນ, ການລົງທຶນໂດຍກົງດ້ວຍວິທີຮັບຊື້ໄດ້ກວມ 36.7% ໃນຍອດປະລິມານການລົງທຶນຢູ່ຕ່າງປະເທດໂດຍກົງ.
|
|
