|
ຝ່າຍຈີນຮຽກຮ້ອງໃຫ້ພາກພື້ນອາຊີປາຊິຟິກເພີ່ມທະວີການສົນທະນາແລະການຮ່ວມມືປົກປັກຮັກສາສັນຕິພາບແລະຄວາມຈະເລີນ
cri
ຕາມຂ່າວ CRI: ວັນທີ 2 ມິຖຸນານີ້, ໃນກອງປະຊຸມຄວາມໜັ້ນຄົງອາຊີຄັ້ງທີ 6, ທ່ານຈ່າງຊິ້ນເຊິ່ງ ຮອງເສນາທິການສູງສຸດກອງທັບປົດປ່ອຍປະຊາຊົນຈີນໄດ້ກ່າວປາຖະກະຖາທີ່ມີຫົວຂໍ້ວ່າ: ເພີ່ມທະວີການສົນທະນາແລະການຮ່ວມມື, ປົກປັກຮັກສາສັນຕິພາບແລະຄວາມຈະເລີນ, ທ່ານຊີ້ອອກວ່າ, ເສັ້ນທາງພັດທະນາໂດຍສັນຕິຂອງຈີນແມ່ນການພັດທະນາທີ່ທັງພັດທະນາຕົວເອງໂດຍຜ່ານການສະແຫວງຫາສະພາບແວດລ້ອມສາກົນທີ່ມີສັນຕິພາບ, ທັງຊຸກຍູ້ສັນຕິພາບຂອງໂລກດ້ວຍການພັດທະນາຂອງຕົນ, ພະຍາຍາມບັນລຸສັນຕິພາບ, ການເປີດປະຕູ, ການຮ່ວມມືແລະຄວາມກົມກຽວກັນ.
ທ່ານຈ່າງຊີ້ນເຊິ່ງຊີ້ອອກວ່າ, ເຈດຈຳນົງ 3 ຂໍ້ຂອງຈີນເພື່ອປົກປັກຮັກສາຄວາມຈະເລີນແລະຄວາມໝັ້ນທ່ຽງຂອງພາກພື້ນອາຊີປາຊິຟິກລວມທັງ, ເພີ່ມທະວີຄວາມໄວ້ເນື້ອເຊື່ອໃຈກັນທາງຍຸດທະສາດຕື່ມອີກ, ຍຶດໝັ້ນລັດທິຫຼາຍຝ່າຍທີ່ເປີດປະຕູ, ເພີ່ມທະວີການຮ່ວມມືດ້ານຄວາມໝັ້ນຄົງຕື່ມອີກ.
ໃນເວລາກ່າວຄຳປາໄສ, ທ່ານຈ່າງຊີ້ນເຊິ່ງຍັງໄດ້ບັນລະຍາຍເນື້ອໃນພື້ນຖານຂອງຈີນກ່ຽວກັບນະໂຍບາຍຄວາມໝັ້ນຄົງໃນອາຊີປາຊິຟິກ, ກໍ່ຄື, ຍຶດໝັ້ນປະຕິບັດທິດທາງ "ມີໄມຕີຈິດຕໍ່ບ້ານໃກ້ເຮືອນຄຽງ, ຖືບ້ານໃກ້ເຮືອນຄຽງເປັນໝູ່ຄູ່", ປົກປັກຮັກສາສັນຕິພາບແລະຄວາມໝັ້ນຄົງ, ຊຸກຍູ້ການສົນທະນາແລະການຮ່ວມມື, ລິເລີ່ມຄວາມກົມກຽວກັນແລະຈະເລີນພ້ອມກັນ.
|
|
