|
|
 |
| (GMT+08:00)
2007-06-03 17:10:21
|
 |
|
ເຂດພັດທະນາລະດັບຊາດກາຍເປັນຈຸດເຕີບໂຕທີ່ມີພະລັງຊີວິດຫຼາຍກວ່າໝູ່ຂອງເສດຖະກິດຈີນ
cri
Author: cai
ຕາມຂ່າວສານຊີນຮວາ:ເຂດພັດທະນາລະດັບຊາດຂອງຈີນໄດ້ກາຍເປັນຈຸດເຕີບໂຕທີ່ມີພະລັງຊີວິດແລະກຳລັງບົ່ມຊ້ອນຫຼາຍກວ່າໝູ່ຂອງເສດຖະກິດຈີນ,ແລະໄດ້ກາຍເປັນບ່ອນການລົງທຶນທີ່ມີກຳລັງດຶງດູດຫຼາຍກວ່າໝູ່ຂອງຈີນ.
ວັນທີ 3 ມິຖຸນານີ້,ຢູ່ເມືອງຫຼີວໂຈ່ວ ພາກຕາເວັນຕົກສຽງໃຕ້ຂອງຈີນ,ທ່ານພ່ານບີ້ລີງ ຮອງຫົວໜ້າກົມທຶນຕ່າງປະເທດກະຊວງການຄ້າຈີນໄດ້ເຜີຍໃຫ້ຮູ້ຂ່າວດັ່ງກ່າວ.
ຂໍ້ມູນສະແດງໃຫ້ເຫັນວ່າ,ປີກາຍນີ້,ເຂດພັດທະນາລະດັບຊາດຂອງຈີນໄດ້ນຳໃຊ້ທຶນຕ່າງປະເທດ 14 ຕື້ 700 ລ້ານກວ່າໂດລາ,ກວມ 23% ຂຶ້ນໄປໃນຈຳນວນທຶນຕ່າງປະເທດທີ່ນຳໃຊ້ໃນທົ່ວປະເທດໃນປີກາຍນີ້;ຍອດມູນຄ່າການຄ້າຂາເຂົ້າຂາອອກລື່ນກາຍ 283 ຕື້ໂດລາ,ເພີ່ມຂຶ້ນເກືອບ 26% ເມື່ອທຽບໃສ່ປີ 2005.
ທ່ານພ່ານບີ້ລີງຊີ້ອອກວ່າ,ໃນຖານະທີ່ເປັນຖານສຳຄັນຂອງຂະແໜງການປຸງແຕ່ງທັນສະໄໝຂອງຈີນ,ເຂດພັດທະນາລະດັບຊາດຜ່ານຈາກການນຳເຂົ້າອົງການຄົ້ນຄວ້າພັດທະນາຂອງຂະແໜງການປຸງແຕ່ງທັນສະໄໝທີ່ມີລະດັບກ້າວໜ້າໃນໂລກແລະຂອງບໍລິສັດຂ້າມຊາດ,ໄດ້ຍົກສູງອົງປະກອບຜະລິດຕະກຳແລະຖານະຂອງຈີນໃນການແບ່ງງານສາກົນຢ່າງຫຼວງຫຼາຍ.
|
|
|
