|
ເມືອງຜູເອີແຂວງຢຸນນານຈີນປະສົບຄວາມເສຍຫາຍຢ່າງຫຼວງຫຼາຍຍ້ອນແຜ່ນດິນໄຫວ ວຽກງານກູ້ໄພດຳເນີນໄປຢ່າງມີລະບຽບ
cri
Author: cai
ຕາມຂ່າວສານຊີນຮວາ:ແຜ່ນດິນໄຫວຂັ້ນ 6,4 ລິກເທີທີ່ເກີດຢູ່ເມືອງຜູເອີແຂວງຢຸນນານ ພາກຕາເວັນຕົກສຽງໃຕ້ຂອງຈີນໃນວັນທີ 3 ມິຖຸນານີ້ໄດ້ເຮັດໃຫ້ທ້ອງຖິ່ນດັ່ງກ່າວປະສົບຄວາມເສຍຫາຍຢ່າງຫຼວງຫຼາຍ,ປະຈຸບັນ,ວຽກງານກູ້ໄພຢູ່ເຂດປະສົບໄພພວມດຳເນີນໄປຢ່າງມີລະບຽບ.
ປະຈຸບັນ,ຜູ້ບາດເຈັບມີ 300 ກວ່າຄົນ,ມີ 3 ຄົນຕາຍ,ຈຳນວນຄົນທີ່ປະສົບໄພມີ 1 ແສນ 8 ໝື່ນກວ່າຄົນ.
ພາຍຫຼັງເກີດແຜ່ນດິນໄຫວແລ້ວ,ລັດຖະບານຈີນໄດ້ແຕ່ງໜ່ວຍງານໄປເຂດປະສົບໄພໃນທັນທີ,ໜ່ວຍງານຂອງກະຊວງການປົກຄອງແລະປະຊາສົງເຄາະຈີນແລະກົມແຜ່ນດິນໄຫວຈີນກໍ່ໄດ້ເດີນທາງໄປຮອດເຂດປະສົບໄພ.ປະຈຸບັນ,ພື້ນຖານໂຄງລ່າງຕ່າງໆເຊັ່ນໂທລະຄົມ ເສັ້ນທາງແລະການສະໜອງໄຟຟ້າເປັນຕົ້ນພວມຟື້ນຟູເປັນປົກກະຕິຕາມໆກັນ,ປະຊາຊົນໄດ້ຍົກຍ້າຍຈາກເຂດປະສົບໄພໄປເຂດປອດໄພຢ່າງທັນການ,ຜູ້ບາດເຈັບໄດ້ຮັບການປິ່ນປົວຢ່າງທັນການ,ວຽກງານກູ້ໄພໄດ້ຮັບໝາກຜົນເບື້ອງຕົ້ນ.
|
|
