|
|
 |
| (GMT+08:00)
2007-06-05 18:07:44
|
 |
|
ຝ່າຍຈີນເດັດດ່ຽວຄັດຄ້ານອາເມລິກາທີ່ຕິຕຽນຈີນຢ່າງໄຮ້ເຫດຜົນກ່ຽວກັບເຫດການການເມືອງປີ1989
cri
Author: shuo
ຕາມຂ່າວສານຊິນຮວາ:ວັນທີ5ມິຖຸນານີ້,ຢູ່ທີ່ປັກກິ່ງ,ທ່ານນາງຈ່ຽງຢູ ໂຄສົກກະຊວງການ ຕ່າງປະເທດຈີນກ່າວວ່າ,ຍ້ອນຈຸດປະສົງທາງການເມືອງ,ແຕ່ລະປີອາເມລິກາກໍຕິຕຽນແລະກ່າວໂຈມຕີຝ່າຍຈີນຢ່າງໄຮ້ເຫດຜົນເທື່ອແລ້ວເທື່ອອີກໃນເຫດການການເມືອງປີ1989,ອັນເປັນການລະເມີດຫຼັກການພື້ນຖານຂອງການພົວພັນລະຫວ່າງຊາດຢ່າງໜັກໜ່ວງ,ເປັນການແຊກແຊງວຽກງານພາຍໃນຂອງຈີນຢ່າງຮຸນແຮງ,ຝ່າຍຈີນສະແດງຄວາມບໍ່ພໍໃຈຢ່າງແຂງແຮງແລະຄັດຄ້ານຢ່າງເດັດດ່ຽວຕໍ່ເລື່ອງນີ້.
ຫວ່າງມໍ່ໆນີ້,ໂຄສົກກະຊວງການຕ່າງປະເທດອາເມລິກາໄດ້ແຈກຢາຍເນື້ອໃນຄຳປາໄສກ່ຽວກັບເຫດການການເມືອງທີ່ເກີດຂຶ້ນຢູ່ປັກກິ່ງເມື່ອປີ1989.ໃນເວລາຕອບຄຳຖາມທີ່ກ່ຽວຂ້ອງຂອງນັກຂ່າວ,ທ່ານນາງຈ່ຽງຢູກ່າວວ່າ,ເຫດການການເມືອງທີ່ເກີດຂຶ້ນເມື່ອທ້າຍຊຸມປີ1980ໄດ້ມີຂໍ້ສະຫຼຸບຢ່າງແຈ່ມແຈ້ງແລ້ວ.ໃນເກືອບຊາວປີມານີ້,ສັງຄົມຈີນໝັ້ນທ່ຽງ,ເສດຖະກິດພັດທະນາ,ການສ້າງສາປະຊາທິປະໄຕແລະລະບອບກົດໝາຍໄດ້ຮັບຄວາມຄືບໜ້າອັນສຳຄັນຢ່າງບໍ່ຢຸດຢັ້ງ,ປະຊາຊົນຈີນມີເສລີພາບດ້ານສິດທິມະນຸດຕໍ່ໜ້າກົດໝາຍ.ລັດຖະບານແລະປະຊາຊົນຈີນຈະເດີນຕາມເສັ້ນທາງທີ່ສ້າງສາສັງຄົມນິຍົມທີ່ມີສີສັນພິເສດຂອງຈີນຢ່າງໝັ້ນໜຽວບໍ່ປ່ຽນແປງ.
ນາງເວົ້າວ່າ,ຝ່າຍຈີນຮຽກຮ້ອງໃຫ້ຝ່າຍອາເມລິກາຢຸດຕິການກະທຳທີ່ຜິດພາດ,ສຳຫຼວດຕົວເອງຢ່າງລະອຽດເພື່ອແກ້ໄຂບັນຫາລ່ວງລ້ຳສິດທິມະນຸດຢ່າງໜັກໜ່ວງຂອງຕົນຢູ່ພາຍໃນປະເທດແລະຕ່າງປະເທດ.
|
|
|
