|
ບົດຄວາມຂອງນັກວິຈານຂອງໜັງສືພິມ"ເຢີນມີນຢື້ປ້າວ"ກ່າວວ່າ ກົດໝາຍພື້ນຖານຂອງຮົງກົງແມ່ນກົດໝາຍທີ່ດີ ໄດ້ຮັບການພິສູດຈາກພຶດຕິກຳຕົວຈິງ
cri
Author: cai
ຕາມຂ່າວສານຊີນຮວາ:ໜັງສືພິມ"ເຢີນມີນຢື້ປ້າວ" ເຊິ່ງເປັນໜັງສືພິມທີ່ມີອິດທິພົນຫຼາຍກວ່າໝູ່ຂອງຈີນສະບັບວັນທີ 7 ມິຖຸນາໄດ້ພິມບົດຄວາມຂອງນັກວິຈານ,ກ່າວວ່າ,ກົດໝາຍພື້ນຖານຂອງຮົງກົງແມ່ນກົດໝາຍທີ່ດີ ໄດ້ຮັບການພິສູດຈາກພຶດຕິກຳຕົວຈິງ.
ບົດຄວາມຂຽນວ່າ,"ກົດໝາຍພື້ນຖານຂອງເຂດບໍລິຫານພິເສດຮົງກົງສາທາລະນະລັດປະຊາຊົນຈີນ"ໄດ້ປະຕິບັດ 10 ປີແລ້ວ.ໃນປະຈຸບັນ,ຢູ່ຮົງກົງ,ສັງຄົມມີສະຖຽນລະພາບ,ເສດຖະກິດຈະເລີນ,ປະຊາທິປະໄຕກ້າວໜ້າ,ເຕັມໄປດ້ວຍຄວາມມີຊີວິດຊີວາ.ພຶດຕິກຳໃນ 10 ປີແຕ່ຮົງກົງກັບຄືນສູ່ປະເທດຊາດມານີ້ໄດ້ຢັ້ງຢືນໃຫ້ເຫັນວ່າ,"ປະເທດດຽວມີສອງລະບອບ"ແມ່ນປະຕິບັດໄດ້ແລະເປັນໄປໄດ້,ກົດໝາຍພື້ນຖານແມ່ນກົດໝາຍທີ່ດີ ໄດ້ຮັບການພິສູດຈາກພຶດຕິກຳຕົວຈິງ,ສອດຄ່ອງກັບຜົນປະໂຫຍດຮາກຖານຂອງຊາດແລະປະຊາຊົນ,ສອດຄ່ອງກັບສະພາບຄວາມເປັນຈິງຂອງຮົງກົງ.
ບົດຄວາມຊີ້ອອກວ່າ,ກົດໝາຍພື້ນຖານຂອງຮົງກົງທີ່ປະກາດເມື່ອປີ 1990 ບັງຄັບໃຊ້ເມື່ອປີ 1997 ນັ້ນ,ແມ່ນເອກະສານດ້ານນິຕິກຳສະບັບໜຶ່ງທີ່ມີຄວາມໝາຍປະຫວັດສາດແລະຄວາມໝາຍສາກົນ,ກົດໝາຍພື້ນຖານໄດ້ທຳການປະດິດສ້າງເຮັດໃຫ້ການປົກປັກຮັກສາອະທິປະໄຕແລະເອກະພາບແຫ່ງຊາດເຊື່ອມໂຍງເຂົ້າກັບການມອບສິດໃຫ້ເຂດບໍລິຫານພິເສດຮົງກົງປະຕິບັດການປົກຄອງຕົນເອງໃນລະດັບສູງຢ່າງແໜ້ນແຟ້ນ,ໄດ້ເຮັດໃຫ້ໂຄງຄວາມຄຶດອັນຍິ່ງໃຫຍ່ທີ່"ປະເທດດຽວມີສອງລະບອບ"ແລະທິດທາງນະໂຍບາຍຕ່າງໆຂອງລັດຕໍ່ຮົງກົງນັ້ນເປັນກົດໝາຍ,ໄດ້ອອກແບບສ້າງລະບອບແລະໂຄງປະກອບຊຸດໃໝ່ໃຫ້ແກ່ເຂດບໍລິຫານພິເສດແຫ່ງທຳອິດຂອງຈີນ.
|
|
