|
|
 |
| (GMT+08:00)
2007-06-07 16:18:58
|
 |
|
ຈີນຕັ້ງໜ້າຊຸກຍູ້ໃຫ້ວິສາຫະກິດຂະໜາດກາງແລະນ້ອຍເພີ່ມທະວີການຮ່ວມມືກັບອາຊີເອີລົບ
cri
ຕາມຂ່າວCRI,ກອງປະຊຸມລະດັບລັດຖະມົນຕີກ່ຽວກັບວິສາຫະກິດຂະໜາດກາງແລະຂະໜາດນ້ອຍຂອງກອງປະຊຸມອາຊີເອີລົບຄັ້ງປະຖົມມະເລີກທີ່ຈີນລິເລີ່ມແລະເປັນເຈົ້າພາບນັ້ນຈະຈັດຂຶ້ນຢູ່ປັກກິ່ງໃນເດືອນຕຸລາປີນີ້.
ໃນງານຖະແຫຼງຂ່າວທີ່ຈັດຂຶ້ນຢູ່ປັກກິ່ງໃນວັນທີ7ມິຖຸນານີ້,ທ່ານນາງອົວຊິນສຽນ ຮອງປະທານຄະນະກຳມະການພັດທະນາແລະປະຕິຮູບແຫ່ງລັດຈີນກ່າວວ່າ,ຈຸດປະສົງຂອງກອງປະຊຸມເທື່ອນີ້ແມ່ນເພື່ອເພີ່ມທະວີການຮ່ວມມືແລະແລກປ່ຽນກັນລະຫວ່າງວິສາຫະກິດຂະໜາດກາງແລະຂະໜາດນ້ອຍຂອງອາຊີເອີລົບ.ທີ່ປະຊຸມຈະລົງເລິກຫາລືບັນຫາການຮ່ວມມືລະຫວ່າງວິສາຫະກິດຂະໜາດກາງແລະຂະໜາດນ້ອຍຂອງຈີນກັບວິສາຫະກິດຂະໜາດກາງແລະຂະໜາດຂ້ອຍຂອງປະເທດຕ່າງໆໃນອາຊີເອີລົບ,ແລະຄົ້ນຄວ້າຫາລືນະໂຍບາຍແລະມາດຕະການກ່ຽວກັບການຮ່ວມມືໂດຍປິ່ນອ້ອມການເສີມຂະຫຍາຍທ່າແຮງຂອງໃຜລາວ,ເຊັນສັນຍາການຮ່ວມມືທີ່ຕ່າງຝ່າຍຕ່າງມີຜົນປະໂຫຍດ.
ທ່ານນາງອົວຊິ່ນສຽນບອກວ່າ,ປັດຈຸບັນ,ມູນຄ່າການຜະລິດຂອງວິສາຫະກິດຂະໜາດກາງແລະຂະໜາດນ້ອຍຂອງຈີນກວມປະມານ60%ຂອງລວມຍອດຜະລິດຕະພັນພາຍໃນ ຫຼືGDP.ວິສາຫະກິດເຫຼົ່ານີ້ໄດ້ກາຍເປັນກຳລັງສຳຄັນໃນການຊຸກຍູ້ການພັດທະນາເສດຖະກິດຂອງຈີນ.ປັດຈຸບັນ,ວິສາຫະກິດຂະໜາດກາງແລະຂະໜາດນ້ອຍຂອງຈີນເຊິ່ງລວມທັງນັກທຸລະກິດສ່ວນບຸກຄົນແລະເອກະຊົນລວມ42ລ້ານແຫ່ງ,ກວມ99%ຂອງຍອດຈຳນວນວິສາຫະກິດຂອງຈີນ.ວິສາຫະກິດເຫຼົ່ານີ້ໄດ້ສ້າງວຽກເຮັດງານທຳໃຫ້ແກ່ຄົນໃນຕົວເມືອງ75%ຂຶ້ນໄປ.ປັດຈຸບັນ,ສິດທິບັດປະດິດສ້າງ60%ຂຶ້ນໄປ,ການພັດທະນາຜະລິດຕະພັນໃໝ່80%ຂຶ້ນໄປຂອງຈີນລ້ວນແຕ່ແມ່ນວິສາຫະກິດຂະໜາດກາງແລະຂະໜາດນ້ອຍເປັນຜູ່ດຳເນີນ.
|
|
|
