|
ກອງປະກອບອາວຸດ 10+3 ຈັດກອງປະຊຸມສຳມະນາເປັນຄັ້ງທຳອິດໃນຂົງເຂດກູ້ໄພສາກົນ
cri
Author: cai
ຕາມຂ່າວສານຊີນຮວາ:ວັນທີ 7 ມິຖຸນານີ້,ກອງປະຊຸມສຳມະນາກູ້ໄພສາກົນລະຫວ່າງກອງປະກອບອາວຸດອາຊຽນກັບຈີນ ຍີ່ປຸ່ນ ສາທາລະນະລັດເກົາຫຼີ(10+3)ຄັ້ງປະຖົມມະເລີກທີ່ຈັດຂຶ້ນຢູ່ເມືອງຊືເຈ່ຍຈ່ວງ ພາກເໜືອຈີນໄດ້ອັດລົງ.
ກອງປະຊຸມສຳມະນາດຳເນີນ 5 ມື້,ມີເນື້ອໃນດັ່ງນີ້ຄື:ນະໂຍບາຍແລະເຈດຈຳນົງຂອງກອງປະກອບອາວຸດປະເທດຕ່າງໆ,ກົນໄກປະສານການບັນຊາຢູ່ເຂດທະຫານ,ການຈັດຕັ້ງ ບັນຊາແລະວິທີກູ້ໄພ,ພ້ອມດ້ວຍການສ້າງສາກົນໄກກົດໝາຍເປັນຕົ້ນ.ນອກນີ້,ຜູ້ແທນປະເທດຕ່າງໆເຫັນວ່າ,ໃນການຮ່ວມມືໃນຂົງເຂດຄວາມໝັ້ນຄົງບໍ່ແມ່ນດັ້ງເດີມ,ນອກຈາກການປ້ອງກັນແລະກູ້ໄພທຳມະຊາດແລ້ວ,ຍັງມີໄພພິບັດທີ່ຄົນສ້າງຂຶ້ນຈຳນວນໜຶ່ງ,ຕົວຢ່າງຄືການຮ່ວມມືດ້ານການກູ້ໄພຍົນຕົກແລະໄພພິບັດທາງທະເລ,ກໍ່ຄວນດຳເນີນແລະເພີ່ມທະວີຕາມໆກັນ.
ໃນກອງປະຊຸມສຳມະນາ,ຜູ້ແທນປະເທດຕ່າງໆຮຽກຮ້ອງໂດຍທົ່ວໄປໃຫ້ສ້າງກົນໄກປະສານການກູ້ໄພສາກົນທີ່ເປັນເອກະພາບກັນໂດຍໄວພາຍໃນຂອບ"10+3",ເພື່ອຮັບມືໄວກວ່າເກົ່າແລະປະຕິບັດຕາມກົນໄກສະດວກກວ່າເກົ່າໃນເວລາເກີດໄພພິບັດ.
|
|
