|
|
 |
| (GMT+08:00)
2007-06-08 18:39:02
|
 |
|
ທ່າກ່ຳປັ່ນຂອງຈີນແລະປະເທດອ້ອມຂ້າງສະແຫວງຫາການພັດທະນາຮ່ວມກັນ
cri
ຕາມຂ່າວສານຊິນຮວາ,ຄຽງຄູ່ກັບການຮ່ວມມືລະຫວ່າງທ່າກ່ຳປັ່ນຂອງຈີນກັບປະເທດອ້ອມຂ້າງເພີ່ມຂຶ້ນ, ທ່າກ່ຳປັ່ນຂອງຈີນກັບປະເທດເຫຼົ່ານີ້ສະແຫວງຫາການພັດທະນານຳກັນ.
ທ່ານເວິ່ງເມິ້ງຢົງ ລັດຖະມົນຕີຊ່ວຍວ່າການກະຊວງຄົມມະນາຄົມຈີນໄດ້ແຈ້ງໃຫ້ຊາບຂ່າວດັ່ງກ່າວໃນກອງປະຊຸມສຳມະນາຕາໜ່າງບໍລິການທ່າກ່ຳປັ່ນເອເປັກທີ່ຈັດຂຶ້ນຢູ່ເມືອງນິງໂປ ແຂວງເຈີ້ຈ່ຽງ ພາກຕາເວັນອອກຂອງຈີນໃນວັນທີ7ມິຖຸນານີ້.
ທ່ານເວິ່ງເມີ້ງຢົງກ່າວວ່າ,ພາຍໃຕ້ເງື່ອນໄຂເສດຖະກິດຕະຫຼາດຍຸກປັດຈຸບັນ,ທ່າກ່ຳປັ່ນມີບົດບາດພົ້ນເດັ່ນກວ່າເກົ່າໃນການຊຸກຍູ້ການພັດທະນາເສດຖະກິດແລະສັງຄົມ,ທ່າກ່ຳປັ່ນໄດ້ກາຍເປັນສາຍພານດ້ານເສດຖະກິດແລະສູນຈັດຕັ້ງການຜະລິດທີ່ສຳຄັນຂອງພາກພື້ນອາຊີປາຊີຟິກ.ໃນກອງປະຊຸມສຳມະນາຄັ້ງນີ້,ຈີນກັບປະເທດອ້ອມຂ້າງໄດ້ຄົ້ນຄວ້າຫາລືບັນຫາກ່ຽວກັບການຮ່ວມມືໃນຂະແໜງການທີ່ກ່ຽວຂ້ອງກັບທ່າກ່ຳປັ່ນໃນປັດຈຸບັນພ້ອມດ້ວຍວິທີແກ້ໄຂ,ມັນຍ່ອມຈະຊຸກຍູ້ໃຫ້ທ່າກ່ຳປັ່ນຂອງຈີນແລະປະເທດອ້ອມຂ້າງພັດທະນາຢ່າງຕໍ່ເນື່ອງ,ວ່ອງໄວ,ໝັ້ນທ່ຽງແລະປະສານກົມກຽວກັນ.
ປັດຈຸບັນ,ຈີນໄດ້ກາຍເປັນປະເທດທີ່ມີບໍລິມາດສິນຄ້າເຂົ້າອອກທ່າກ່ຳປັ່ນເພີ່ມຂຶ້ນໄວກວ່າໝູ່ໃນໂລກ.
|
|
|
