|
ໃນ 4 ເດືອນຕົ້ນປີນີ້, ບໍລິມາດຜະລິດຕະພັນຂໍ້ມູນຂ່າວສານເອເລັກໂຕຼນິກທີ່ສົ່ງອອກກວມເອົາ 37,4% ຂອງຍອດບໍລິມາດການຄ້າຂາອອກຂອງຈີນ
cri
Author: m
ຕາມຂ່າວສານຊິ່ນຮວາ: ວັນທີ 9 ມິຖຸນານີ້, ນັກຂ່າວໄດ້ຊາບຈາກກະຊວງອຸດສາຫະກຳຂໍ້ມູນຂ່າວສານຈີນວ່າ, 4 ເດືອນຕົ້ນປີນີ້, ບໍລິມາດຜະລິດຕະພັນຂໍ້ມູນຂ່າວສານເອເລັກໂຕຼນິກທີ່ສົ່ງອອກຂອງຈີນໄດ້ບັນລຸ 130 ຕື້ິ 560 ລ້ານໂດລາ, ກວມເອົາ 37,4% ຂອງຍອດບໍລິມາດການຄ້າຂາອອກຂອງທົ່ວປະເທດ. ວິສາຫະກິດທຶນຕ່າງປະເທດແລະວິສາຫະກິດຮ່ວມທຶນຈີນກັບຕ່າງປະເທດຍັງແມ່ນກຳລັງຕົ້ນຕໍຂອງການສົ່ງອອກຜະລິດຕະພັນຂໍ້ມູນຂ່າວສານເອເລັກໂຕຼນິກຂອງຈີນ.
ຫຼາຍປີມານີ້, ລະດັບຄົ້ນຄວ້າເຕັກນິກແລະການຜະລິດໃນຂົງເຂດຂໍ້ມູນຂ່າວສານເອເລັກໂຕຼນິກຕ່າງໆ, ເຊັ່ນ: ການແລກປ່ຽນຄວບຄຸມດ້ວຍໂປຼກຼາມ, ໂທລະສັບເຄື່ອນທີ່ແລະເຄື່ອງປະກອບອິນເຕີເນັດເປັນຕົ້ນໄດ້ສູງຂຶ້ນຢ່າງບໍ່ຢຸດຢັ້ງ, ປະຈຸບັນ, ຜະລິດຕະພັນຂໍ້ມູນຂ່າວສານເອເລັກໂຕຼນິກຂອງຈີນໄດ້ສົ່ງຂາຍໃຫ້ 100 ກວ່າປະເທດແລະເຂດແຄ້ວນໃນໂລກແລ້ວ, ວິສາຫະກິດໂທລະຄົມ 400 ກວ່າແຫ່ງໄດ້ໃຊ້ເຄື່ອງປະກອບການສື່ສານທີ່ຈີນຜະລິດ.
|
|
