|
ປະທານສະພາຕ່ຳຂອງຟິລິບປິນຮຽກຮ້ອງເຮັດໃຫ້ທະເລຈີນໃຕ້ກາຍເປັນທະເລສັນຕິພາບ
cri
Author: m
ຕາມຂ່າວ CRI: ວັນທີ 8 ມິຖຸນານີ້, ຢູ່ມານິລາ, ໃນເວລາໃຫ້ສຳພາດຕໍ່ຄະນະນັກຂ່າວແຫ່ງ "ການທ່ອງທ່ຽວຮ່ວມມືລະຫວ່າງຈີນກັບອາຊຽນ", ທ່ານໂຮເຊ ເດີ ເບເນເຊຍ ປະທານສະພາຕ່ຳຂອງຟິລິບປິນກ່າວວ່າ, ຟິລິບປິນ, ຈີນແລະຫວຽດນາມໄດ້ມີຄວາມເຫັນເປັນເອກະສັນກັນກ່ຽວກັບການໂຈະການວິວາດກັນກ່ຽວກັບເກາະດອນທະເລຈີນໃຕ້, ພ້ອມກັນພັດທະນາຊັບພະຍາກອນບໍ່ນ້ຳມັນແລະອາຍແກ໌ສ. ບັນດາປະເທດຄວນທຳຄວາມພະຍາຍາມພ້ອມກັນ, ເຮັດໃຫ້ທະເລຈີນໃຕ້ກາຍເປັນທະເລແຫ່ງການຮ່ວມມື, ທະເລແຫ່ງສັນຕິພາບ.
ທ່ານເດີ ເບເນເຊຍຍັງຊີ້ອອກວ່າ, ແຕ່ກ່ອນ, ອາເມລິກາກັບຍີ່ປຸ່ນແມ່ນຄູ່ການຄ້າຕົ້ນຕໍຂອງອາຊຽນ, ດຽວນີ້, ອາຊຽນໄດ້ຖືຈີນເປັນກຳລັງຊຸກຍູ້ການພັດທະນາໃນພາກພື້ນນີ້ແລ້ວ. ຈີນກັບອາຊຽນໄດ້ເຊັນສັນຍາການຄ້າເສລີໃນປີ 2004, ແລະວາງແຜນສ້າງເຂດການຄ້າເສລີຈີນອາຊຽນຢ່າງຮອບດ້ານໃຫ້ສຳເລັດໃນປີ 2010. ທ່ານເຫັນວ່າ, ການພົວພັນເສດຖະກິດການຄ້າລະຫວ່າງຈີນກັບຟິລິບປິນ, ຈີນກັບປະເທດອາຊຽນຍັງຈະຂະຫຍາຍຕົວຂຶ້ນສູ່ລະດັບໃໝ່.
|
|
