|
|
 |
| (GMT+08:00)
2007-06-10 17:44:35
|
 |
|
ຝ່າຍທະຫານໄທກ່າວວ່າຈະບໍ່ປະຕິບັດສະພາວະສຸກເສີນຊົ່ວຄາວ
cri
Author: sayvanny
ຕາມຂ່າວສານຊີນຮວາ: ວັນທີ 10 ມິຖຸນານີ້,ທ່ານອະນຸພອນ ຜູ່ຊ່ອຍຜູ່ບັນຊາການກອງທັບບົກຂອງໄທກ່າວວ່າ, ເຖິງວ່າຕອນກາງຄືນວັນທີ 9 ແລະຕອນເຊົ້າມືດວັນທີ 10 ມິຖຸນານີ້ໄດ້ເກີດເຫດການແຫ່ຂະບວນໂຮມຊຸມນຸມຢ່າງຂະຫນາດໃຫຍ່ປິດລ້ອມກອງບັນຊາການກອງທັບບົກໄທກໍ່ຕາມ, ແຕ່ຝ່າຍທະຫານເຫັນວ່າ,ປັດຈຸບັນຍັງບໍ່ຈຳເປັນປະກາດປະຕິບັດສະພາວະສຸກເສີນຢູ່ບາງກອກ.
ຕອນເດິກທ່ຽງຄືນວັນທີ 9 ມິຖຸນານີ້,ຜູ່ສະຫນັບສະຫນູນທ່ານທັກສິນຊິນນະວັດ ອະດີດນາຍົກລັດຖະມົນຕີໄທ 2 ຫມື່ນກວ່າຄົນທີ່ໂຮມຊຸມນຸມຢູ່ສະຫນາມຫລວງບາງກອກນັ້ນໄດ້ແຫ່ກັນໄປຫາສູ່ກອງບັນຊາການກອງທັບບົກທີ່ໄກຈາກສະຫນາມຫລວງ 5 ກິໂລແມັດ,ໄດ້ບຸຜ່າຕຳຫລວດປ້ອງກັນຄວາມຮຸນແຮງທີ່ຂວາງຢູ່ຫລາຍຊັ້ນ,ໃນທີ່ສຸດ,ໄດ້ຕັ້ງເວທີກ່າວປາໄສຢູ່ຕໍ່ຫນ້າກອງບັນຊາການຂອງກອງທັບບົກ,ແລະໄດ້ມອບໃບຄຳຂາດໃຫ້ທ່ານສົນທິ ຜູ່ບັນຊາການກອງທັບບົກ ປະທານຄະນະກຳມະການາຄວາມປອດໄພແຫ່ງຊາດ,ກຳນົດໃຫ້ທ່ານລາອອກຈາກຕຳແຫນ່ງກ່ອນວັນທີ 24 ເດືອນນີ້.
ຕອນຮຸ່ງເຊົ້າວັນທີ 10 ມິຖຸນານີ້,ຜູ່ໂຮມຊຸມນຸມໄດ້ກັບຄືນສູ່ສະຫນາມຫລວງ,ແລະກ່າວວ່າຈະໂຮມຊຸມນຸມຢ່າງຂະຫນາດໃຫຍ່ຕໍ່ໄປ,ຈົນກວ່າທ່ານສົນທິລາອອກຈາກຕຳແຫນ່ງ.
|
|
|
