|
ບາດຫລວງອີຕາລີຜູ່ຫນຶ່ງຖືກລັກພາຕົວຢູ່ພາກໃຕ້ຟິລິບປິນ
cri
ຕາມຂ່າວສານຊິນຮວາ: ວັນທີ 10 ມິຖຸນານີ້,ຝ່າຍທະຫານຟິລິບປິນຢືນຢັນວ່າ,ມື້ດຽວກັນ,ມີບາດຫລວງອີຕາລີຜູ່ຫນຶ່ງຖືກພວກປະກອບອາວຸດລັກພາຕົວຢູ່ເຂດພາກຕາເວັນຕົກຂອງເກາະມິນດານາວ ພາກໃຕ້ຂອງຟິລິບປິນ,ປັດຈຸບັນ,ຍັງບໍ່ມີອົງການຈັດຕັ້ງໃດໆຖະແຫລງຮັບຜິດຊອບຕໍ່ເລື່ອງນີ້.
ຝ່າຍທະຫານຟິລິບປິນອີງຕາມສະພາບການທີ່ຮູ້ໃນເບື້ອງຕົ້ນວິເຄາະວ່າ, ເຫດການລັກພາຕົວນີ້ອາດຈະແມ່ນພວກແກ໋ງເຖື່ອນໃນທ້ອງຖິ່ນເປັນຜູ່ເຮັດ.ຝ່າຍທະຫານໄດ້ແຕ່ງທະຫານໄປຈັບພວກລັກພາຕົວແລ້ວ,ປັດຈຸບັນເຫດການຍັງພວມດຳເນີນຢູ່.
ຫວ່າງມໍ່ໆນີ້,ເກາະມິນດານາວຂອງຟິລິບປິນໄດ້ເກີດເຫດການລັກພາຕົວຊາວຕ່າງປະເທດເລື້ອຍໆ,ເຮັດໃຫ້ອາເມລິກາ ອົສຕຼາລີແລະປະເທດຝ່າຍຕາເວັນຕົກອື່ນໆເຕືອນຜູ່ທ່ອງທ່ຽວຢ່າໄປທ່ຽວບ່ອນນັ້ນ.
|
|
