|
|
 |
| (GMT+08:00)
2007-06-11 16:25:48
|
 |
|
ທ່ານນາງອູອີກ່າວເນັ້ນວ່າ ຈີນຣັດເຊຍຄວນຍຶດໝັ້ນຕ່າງຝ່າຍຕ່າງມີຜົນປະໂຫຍດ ບັນລຸການພັດທະນາພ້ອມກັນ
cri
Author: cai
ຕາມຂ່າວສານຊີນຮວາ:ວັນທີ 10 ມິຖຸນາ,ຢູ່ແຊັງປີເຕີສ໌ບວັກ,ທ່ານນາງອູອີ ຮອງນາຍົກລັດຖະມົນຕີຈີນທີ່ໄປຢ້ຽມຢາມຣັດເຊຍກ່າວເນັ້ນວ່າ,ຈີນຣັດເຊຍທັງສອງຝ່າຍຄວນຈັບໂອກາດ,ຍຶດໝັ້ນຕ່າງຝ່າຍຕ່າງມີຜົນປະໂຫຍດເພື່ອບັນລຸການພັດທະນາພ້ອມກັນ.
ມື້ດຽວກັນ,ທ່ານນາງອູອີໄດ້ພ້ອມກັບທ່ານອາເລັກຊັນເດີ ຈູຄົຟ ຮອງນາຍົກລັດຖະມົນຕີຣັດເຊຍເຂົ້າຮ່ວມ"ກອງປະຊຸມໂຕະມົນການຮ່ວມມືດ້ານການຄ້າແລະການລົງທຶນຈີນຣັດເຊຍ"ທີ່ຈັດຂຶ້ນຢູ່ແຊັງປີເຕີສ໌ບວັກ.ໃນເວລາກ່າວຄຳປາໄສ,ນາງອູອີກ່າວວ່າ,ໃນເດືອນມີນາປີນີ້,ຜູ້ນຳຈີນຣັດເຊຍໄດ້ຊີ້ແຈ້ງທິດທາງຂະຫຍາຍຕົວຂອງການພົວພັນຄູ່ຮ່ວມມືຍຸດທະສາດລະຫວ່າງຈີນຣັດເຊຍທີ່ກ້າວເຂົ້າສູ່ໄລຍະ 10 ປີຄັ້ງທີສອງ,ໄດ້ສ້າງພື້ນຖານການເມືອງອັນໜັກແໜ້ນໃຫ້ແກ່ສອງຝ່າຍໃນການເປີດກວ້າງການຮ່ວມມືດ້ານເສດຖະກິດການຄ້າ.ເສດຖະກິດຂອງຈີນແລະຣັດເຊຍຕ່າງໄດ້ພັດທະນາຢ່າງວ່ອງໄວ,ໄດ້ສ້າງພື້ນຖານເສດຖະກິດອັນໜັກແໜ້ນໃຫ້ແກ່ການຮ່ວມມືລະຫວ່າງຈີນຣັດເຊຍ.ນາງຫວັງໃຫ້ວິສາຫະກິດສອງປະເທດຈັບເອົາໂອກາດຍຸດທະສາດຂອງການຮ່ວມມືດ້ານເສດຖະກິດການຄ້າລະຫວ່າງຈີນຣັດເຊຍ,ຂະຫຍາຍການຮ່ວມມືທີ່ຕ່າງຝ່າຍຕ່າງມີຜົນປະໂຫຍດໃຫ້ກ້າວສູ່ລວງເລິກຢ່າງບໍ່ຢຸດຢັ້ງໃນຂະແໜງພະລັງງານ ການຄ້າຜະລິດຕະພັນກົນຈັກແລະເຄື່ອງໄຟຟ້າແລະການປຸງແຕ່ງໄມ້ສຳເລັດຮູບເປັນຕົ້ນ.
ຫຼັງກອງປະຊຸມ,ທ່ານນາງອູອີກັບທ່ານຈູຄົຟຍັງໄດ້ພ້ອມກັນເຂົ້າຮ່ວມພິທີລົງນາມໃນເອກະສານຮ່ວມມື 19 ສະບັບໃນຂະແໜງກົນຈັກອຸປະກອນ ລົດຍົນ ກະສິກຳ ພະລັງງານ ການຮັບເໝົາໂຄງການແລະເຕັກນິກຊັ້ນສູງ,ມີມູນຄ່າປະມານ 2 ຕື້ໂດລາ.
|
|
|
