|
ແຕ່ວັນທີ 1 ກໍລະກົດປີນີ້ເປັນຕົ້ນໄປ,ສຳນັກງານທ່ອງທ່ຽວຕ່າງປະເທດທີ່ປະຈຳຢູ່ຈີນຈະໄດ້ຮັບອະນຸຍາດໃຫ້ມີສິດຄືກັນກັບບໍລິສັດທ່ອງທ່ຽວຂອງຈີນ
cri
ຕາມຂ່າວສານຊີນຮວາ: ຫວ່າງມໍ່ໆນີ້ ໃນເວລາສົນທະນາກັບເຈົ້າຫນ້າທີ່ການຄ້າຂອງປະເທດອາຊຽນຢູ່ເວທີປາໄສບໍລິເວນເຂດສາມລ່ຽມປາກແມ່ນ້ຳຈູ່ຈ່ຽງ,ທ່ານວາງຈື້ຟາ ຮອງຫົວຫນ້າກົມທ່ອງທ່ຽວແຫ່ງຊາດຈີນເຜີຍໃຫ້ຮູ້ວ່າ,ເລີ່ມແຕ່ວັນທີ 1 ກໍລະກົດປີນີ້ເປັນຕົ້ນໄປ, ຈີນຈະຍົກເລີກການຈຳກັດທີ່ບໍ່ໃຫ້ສຳນັກງານທ່ອງທ່ຽວທຶນຕ່າງປະເທດຕັ້ງສາຂາສຳນັກງານຢູ່ຈີນ,ແລະຈະອອກແຮງສະຫນັບສະຫນູນການຮ່ວມມືກັບອາຊຽນໃນດ້ານການທ່ອງທ່ຽວ.
ທ່ານວາງຈື້ຟາເວົ້າວ່າ, ໂດຍພິຈາລະນາການເປີດປະຕູໃຫ້ກວ້າງອອກແລະໃຫ້ຕະຫລາດການທ່ອງທ່ຽວພາຍໃນປະເທດແລະຕ່າງປະເທດເປັນເອກະພາບກັນ, ກົມທ່ອງທ່ຽວແຫ່ງຊາດຈີນຈະອະນຸຍາດໃຫ້ສຳນັກງານທ່ອງທ່ຽວທຶນຕ່າງປະເທດມີສິດຄືກັບບໍລິສັດທ່ອງທ່ຽວຂອງຈີນ,ແລະປະຕິບັດຄຳຫມັ້ນສັນຍາໃນເວລາເຂົ້າຮ່ວມອົງການການຄ້າໂລກກ່ອນເວລາກຳນົດ.
ທ່ານວາງຈື້ຟາເວົ້າວ່າ,ກົມການທ່ອງທ່ຽວແຫ່ງຊາດຈີນຈະພ້ອມກັບພາກສ່ວນທ່ອງທ່ຽວຂອງຮົງກົງແລະມາກາວເຜີຍແຜ່ການທ່ຽວໂອລິມປິກຢູ່ຕະຫລາດຕ່າງປະເທດ,ຕັ້ງຫນ້າສະຫນັບສະຫນູນປະເທດອາຊຽນມາແນະນຳເຜີຍແຜ່ຕະຫລາດການທ່ອງທ່ຽວ, ສົ່ງເສີມບໍລິສັດທ່ອງທ່ຽວແລະຜູ່ລົງທຶນອາຊຽນຍິ່ງຫລາຍໄປຊອກຫາໂອກາດການຄ້າຢູ່ຈີນ.
|
|
