|
|
 |
| (GMT+08:00)
2007-06-12 11:16:27
|
 |
|
ນາຍົກມາເລເຊຍຮຽກຮ້ອງໃຫ້ປະເທດຕ່າງໆຂອງອາຊີຮ່ວມມືກັນຮັບປະກັນຄວາມປອດໄພດ້ານພະລັງງານ
cri
Author: cai
ຕາມຂ່າວCRI:ວັນທີ 11 ມິຖຸນານີ້,ຢູ່ກົວລາລຳເປີ,ທ່ານອັບດູນລາ ອາຮາມັດ ບາດາວີ ນາຍົກລັດຖະມົນຕີມາເລເຊຍຊີ້ອອກວ່າ,ປະຈຸບັນ,ປະເທດຕ່າງໆຂອງອາຊີຕ້ອງການການຮ່ວມມືກັນໂດຍດ່ວນ,ເພື່ອຮັບປະກັນການພັດທະນາແບບຍືນຍົງຂອງຂະແໜງການນ້ຳມັນເຊື້ອໄຟແລະອາຍແກັສທຳມະຊາດພ້ອມດ້ວຍຄວາມປອດໄພດ້ານການສະໜອງພະລັງງານຂອງອາຊີ.
ໃນກອງປະຊຸມນ້ຳມັນເຊື້ອໄຟແລະອາຍແກັສທຳມະຊາດອາຊີຄັ້ງທີ 12 ທີ່ຈັດຂຶ້ນໃນວັນທີ 11 ມິຖຸນານີ້,ທ່ານບາດາວີໄດ້ກ່າວຄຳປາໄສວ່າ,ບັນຫາພະລັງງານແມ່ນສິ່ງສຳຄັນທີ່ສຸດຕໍ່ການພັດທະນາແບບຍືນຍົງແລະຄວາມຈະເລີນໃນອະນາຄົດຂອງອາຊີ,ປະຈຸບັນ,ບັນຫາການເມືອງຕ່າງໆແລະການປະທະກັນໃນພາກພື້ນໄດ້ສົ່ງຜົນກະທົບອັນໜັກໜ່ວງເຖິງຄວາມປອດໄພດ້ານພະລັງງານ.ນີ້ກໍ່ຕ້ອງການໃຫ້ປະເທດຜະລິດແລະບໍລິໂພກພະລັງງານພ້ອມດ້ວຍລັດຖະບານແລະວົງການວິສາຫະກິດປະເທດຕ່າງໆດຳເນີນການຮ່ວມມືຫຼາຍຝ່າຍ,ເພີ່ມທະວີຄວາມປອດໄພດ້ານພະລັງງານ.
ພ້ອມກັນນັ້ນ,ທ່ານບາດາວີຊີ້ອອກວ່າ,ບັນຫາໂລກຮ້ອນໄດ້ເຮັດໃຫ້ຄົນທັງຫຼາຍສົນໃຈນຳຢ່າງກວ້າງຂວາງ,ຕ້ອງໃຊ້ການເຄື່ອນໄຫວຢ່າງວ່ອງໄວເດັດຂາດເພື່ອຫຼຸດຜ່ອນການສ້າງມົນລະພິດທີ່ອາດຈະເກີດຂຶ້ນຍ້ອນໂລກຮ້ອນ.
|
|
|
