|
|
 |
| (GMT+08:00)
2007-06-13 11:53:36
|
 |
|
ມາເລເຊຍເຫັນວ່າຊ່ອງແຄບມາລັກກາພວມປະເຊີນກັບການຂົ່ມຂູ່ທີ່ຈະຖືກຫລອນໂຈມຕີດ້ວຍການກໍ່ການຮ້າຍ
cri
Author: sayvanny
ຕາມຂ່າວ cri:ວັນທີ 12 ມິຖຸນານີ້,ຢູ່ກົວລະລຳເປີ ທ່ານມູຊາ.ຮາຊັນ ຫົວຫນ້າກົມຕຳຫລວດແຫ່ງຊາດມາເລເຊຍກ່າວເຕືອນວ່າ, ຊ່ອງແຄບມາລັກກາພວມປະເຊີນກັບການຂົ່ມຂູ່ທີ່ຈະຖືກຫລອນໂຈມຕີຈາກພວກກໍ່ການຮ້າຍ.
ທ່ານມູຊາຮາຊັນກ່າວຄວາມເວົ້າດັ່ງກ່າວໃນເວລາກ່າວປາຖະກະຖາ ກອງປະຊຸມປະຈຳປີຂອງອົງການທະເລສາກົນຄັ້ງທີ 6 ທີ່ຈັດຂຶ້ນໃນມື້ດຽວກັນ.ທ່ານເວົ້າວ່າ, ຊ່ອງແຄບມາລັກກາແມ່ນຊ່ອງທາງຫນຶ່ງທາງເທິງທະເລທີ່ມີກ່ຳປ່ັນທຽວໄປມາຢ່າງຫລວງຫລາຍ,ຖ້າຖືກຫລອນໂຈມຕີດ້ວຍການກໍ່ການຮ້າຍແລ້ວ, ເສດຖະກິດການຄ້າຂອງອາຊີອາຄະເນຈົນກະທັ້ງເສດຖະກິດທົ່ວໂລກ່ກໍ່ຈະຖືກກະທົບຢ່າງຫນັກຫນ່ວງ.
ທ່ານມູຊາຮາຊັນເຫັນວ່າ,ສາມປະເທດແຄມຝັ່ງຊ່ອງແຄບມາລັກກາຄື ສິງກະໂປ ມາເລເຊຍແລະອິນໂດເນເຊຍມີຫນ້າທີ່ຮັບຜິດຊອບພ້ອມກັນຮັກສາຄວາມປອດໄພຂອງຊ່ອງແຄບ,ເພື່ອປ້ອງກັນບໍ່ໃຫ້ຖືກຫລອນໂຈມຕີດ້ວຍການກໍ່ການຮ້າຍ,ສາມປະເທດນີ້ຄວນເພີ່ມທະວີການແລກປ່ຽນຂໍ້ມູນຂ່າວສານນຳກັນ.
|
|
|
