|
ວັນທີ 15 ມິຖຸນານີ້, ຮູບຮ່າງດ້ານນອກຂອງຫໍລະຄອນໃຫຍ່ແຫ່ງຊາດຈີນໄດ້ເປີດອອກຢ່າງທາງການ
cri
Author: m
|
ຕາມຂ່າວ CRI: ວັນທີ 15 ມິຖຸນານີ້, ຮູບຮ່າງດ້ານນອກຂອງຫໍລະຄອນແຫ່ງຊາດຈີນທີ່ຕັ້ງຢູ່ດ້ານຕາເວັນຕົກຂອງສະໜາມຫຼວງທຽນອານເມິນປັກກິ່ງໄດ້ເປີດອອກຢ່າງທາງການ. ມື້ດຽວກັນ, ຝາທີ່ກັ້ນໄວ້ຂອງໂຄງການຫໍລະຄອນທີ່ໃກ້ກັບຖະໜົນຊາງອ່ານກໍ່ໄດ້ຖືກມ້າງອອກໝົດແລ້ວ, ຄົນທັງຫຼາຍສາມາດຫຼຽວເຫັນດ້ານໜ້າຂອງຫໍລະຄອນໃຫຍ່ຈາກຖະໜົນຊາງອ່ານ, ແລະສາມາດເຂົ້າໄປໃນສະໜາມພັກຜ່ອນຂອງຫໍລະຄອນໃຫຍ່.
ຫໍລະຄອນໃຫຍ່ແຫ່ງຊາດໃກ້ກັບຫໍສະພາປະຊາຊົນ, ເນື້ອທີ່ທັງໝົດກວ້າງ 2 ແສນ 1 ໝື່ນກວ່າຕາແມັດ, ສິ່ງກໍ່ສ້າງດ້ານນອກແມ່ນຮູບໄຂ່ເຄິ່ງໜ່ວຍທີ່ສ້າງດ້ວຍເຫຼັກກ້າ, ຢູ່ອ້ອມຫໍ, ມີໜອງທຽມ.
ຕາມແຜນການແລ້ວ, ຫໍລະຄອນໃຫຍ່ຈະສ້າງໃຫ້ສຳເລັດໃນທ້າຍເດືອນກໍລະກົດແລະກໍ່ຈະເລີ່ມທົດລອງຈັດການສະແດງໃນທ້າຍເດືອນກັນຍາປີນີ້.
|
|
