|
ປີນີ້ ຈີນຈະສົ່ງລົດຍົນໄປຂາຍຢູ່ຕ່າງປະເທດຫຼາຍກວ່າ 5 ແສນຄັນ
cri
Author: cai
ຕາມຂ່າວສານຊີນຮວາ:ຫວ່າງມໍ່ໆນີ້,ສາຂາສະມາຄົມລົດຍົນຂອງສະມາຄົມການຄ້າຂາເຂົ້າຂາອອກຜະລິດຕະພັນກົນຈັກແລະໄຟຟ້າຂອງຈີນໄດ້ແຈ້ງໃຫ້ຊາບວ່າ,ໃນຫຼາຍປີມານີ້,ຈີນໄດ້ສົ່ງລົດຍົນໄປຂາຍຢູ່ຕ່າງປະເທດເພີ່ມຂຶ້ນຢ່າງວ່ອງໄວ,ປີນີ້,ຈຳນວນລົດຍົນສົ່ງອອກຄາດວ່າຈະບັນລຸ 5 ແສນ 1 ໝື່ນຄັນ,ມີມູນຄ່າເຖິງ 5 ຕື້ 600 ລ້ານໂດລາ.
ຕາມຂ່າວແຈ້ງວ່າ,ລົດຍົນທີ່ຈີນສົ່ງອອກນັ້ນຂາຍຢູ່ຫຼາຍພາກພື້ນ,ສ່ວນຫຼາຍແມ່ນລົດໃຊ້ທາງການຄ້າ.ເຂດຕາເວັນອອກກາງ ອາຊີແລະອາຟຼິກາແມ່ນຕະຫຼາດທີ່ຈີນສົ່ງລົດຍົນທີ່ປະກອບສົມບູນແລ້ວໄປຂາຍຕະຫຼອດມາ,ສ່ວນຕະຫຼາດເອີລົບໂດຍສະເພາະແມ່ນເອີລົບຕາເວັນອອກກໍ່ໄດ້ຂະຫຍາຍອອກຢ່າງຫຼວງຫຼາຍໃນຫຼາຍປີມານີ້.
|
|
