|
ເຂດປົກຄອງຕົນເອງຕິເບດຕັ້ງຢູ່ພາກຕາເວັນຕົກສຽງໃຕ້ຂອງຈີນ, ມີປະຊາກອນ 2 ລ້ານ 8 ແສນ 1 ຫມື່ນຄົນ, ໃນນັ້ນ ສ່ວນຫລາຍແມ່ນຊາວເຜົ່າຕິເບດ.ແຫ່ງນີ້ສະເລ່ຍແລ້ວສູງກວ່າຫນ້ານ້ຳທະເລ 4000 ແມັດຂຶ້ນໄປ,ສະພາບແວດລ້ອມທຳມະຊາດຂີ້ຮ້າຍຫລາຍ, ການພັດທະນາເສດຖະກິດສັງຄົມຫລ້າຫລັງທີ່ສຸດ.ພາຍຫລັງໄດ້ສ້າງຕັ້ງສາ ທາລະນະລັດປະຊາຊົນຈີນແລ້ວ, ລັດຖະບານສູນກາງໄດ້ວາງນະໂຍບາຍແລະມາດຕະການພິເສດຢ່າງເປັນລະບົບທີ່ມີຜົນດີຕໍ່ການພັດທະນາຕິເບດ,ແລະໄດ້ໃຊ້ງົບປະມານກ້ອນໃຫຍ່ສະຫນັບສະຫນູນການພັດທະນາຂອງຕິ ເບດ,ໃນງົບປະມານການເງິນຂອງຕິເບດ 10 ຢວນໃດກໍ່ມີ 9 ຢວນແມ່ນລັດຖະບານສູນກາງຈ່າຍໃຫ້.ປີ 2006, ຍອດມູນຄ່າການຜະລິດຂອງທົ່ວເຂດຕິເບດໄດ້ບັນລຸ 29 ຕື້ກວ່າຢວນ, ເພີ່ມຂຶ້ນດ້ວຍຄວາມໄວ 12%ຂຶ້ນໄປ 6 ປີລຽນຕິດ,GDP ສະເລ່ຍຕໍ່ຫົວຄົນຫລາຍກວ່າຫມື່ນຢວນ.
ວັນທີ 20 ມິຖຸນານີ້,ທ່ານຊຽງບາພິນໂຊ ປະທານເຂດປົກຄອງຕົນເອງຕິເບດກ່າວວ່າ, ອາດເວົ້າໄດ້ວ່າ, ປັດຈຸບັນນີ້ແມ່ນເວລາທີ່ເສດຖະກິດຕິເບດ ພັດທະນາໄວທີ່ສຸດແລະປະຊາຊົນໄດ້ຮັບຜົນປະໂຫຍດຕົວຈິງຫລາຍທີ່ສຸດ.
ໂດຍແນໃສ່ຖ້ອຍຄວາມຂອງຄົນຈຳນວນຫນ້ອຍທີ່ວ່າສູນກາງລົງທຶນຢູ່ຕິເບດຈະປ່ຽນແປງວັດທະນະທຳຂອງເຜົ່າຕິເບດ,ເຮັດໃຫ້ຕິເບດກາຍເປັນແບບເຜົ່າຮ້ານ,ທ່ານຊຽງບາພິນໂຊໄດ້ກ່າວໂຕ້ຕອບຖ້ອຍຄວາມແບບນີ້.ທ່ານກ່າວວ່າ, ມື້ບຸນແລະຮີດຄອງປະເພນີຂອງຕິເບດຍັງຄືເກົ່າ.ພາສາແລະໂຕຫນັງສືຂອງເຜົ່າຕິເບດແມ່ນພາສາແລະໂຕຫນັງສືທີ່ໃຊ້ທົ່ວໄປໃນເຂດຕິເບດ, ໂຮງຮຽນກໍ່ສອນສອງພາສາຄືພາສາຕິເບດແລະພາສາຈີນກາງ; ທົ່ວເຂດຕິ ເບດມີສະຖານທີ່ການເຄື່ອນໄຫວທາງສາສະຫນາ 1700 ກວ່າບ່ອນ, ມີພິກຂຸແລະພິຂຸນີ 4 ຫມື່ນກວ່າອົງໃນວັດຕ່າງໆ, ການເຄື່ອນໄຫວສາສະຫນາທຸກອັນໄດ້ດຳເນີນໄປຢ່າງເປັນປົກກະຕິ.ການລົງທຶນຢ່າງຫລວງຫລາຍຂອງສູນກາງໄດ້ໃຊ້ເຂົ້າໃນການປົກປັກຮັກສາວັດທະນະທຳຂອງຕິເບດ.ພຽງແຕ່ກິດຈະການສ້ອມແປງວັງບູຕາລາ ວັດໂລບູລິນຄາແລະວັດຊາກາທີ່ດຳເນີນໃນປີ 2002, ລັດຖະບານກໍ່ໄດ້ໃຊ້ງົບປະມານເຖີງ 300 ລ້ານກວ່າຢວນ.
ສ່ວນຊາວກະສິກອນແລະຊາວລ້ຽງສັດອັນໄພສານຂອງຕິເບດແມ່ນຜູ້ໄດ້ຮັບຜົນປະໂຫຍດໂດຍກົງຈາກການລົງທຶນຂອງສູນກາງຢູ່ຕິເບດ.ທ່ານຊຽງບາພິງໂຊກ່າວວ່າ:
"ການລົງທຶນຂອງລັດຖະບານສູນກາງຈະແກ້ໄຂບັນຫາຫົນທາງ ບັນຫາໄຟຟ້າ,ເຮັດໃຫ້ປະຊາຊົນໄດ້ດື່ມນ້ຳສະອາດ,ແລະສ້ອມແປງເຮືອນໃຫ້ຊາວກະສິກອນແລະຊາວລ້ຽງສັດ.ໃນດ້ານສາທາລະນະສຸກ,ພວກເຮົາໄດ້ປະຕິບັດການປິ່ນປົວໂດຍບໍ່ເສຍຄ່າ,ຮັບຜິດຊອບສາມດ້ານຕໍ່ນັກຮຽນ,ຄື:ການກິນ ການຢູ່ແລະຄ່າຮຽນ.ໃນຫຼາຍສິບປີມານີ້,ຕິເບດບໍ່ເຄີຍເກັບພາສີອາກອນໃດໆ,ຄວາມຫາບແບກຂອງປະຊາຊົນເກືອບວ່າບໍ່ມີຫຍັງ.ຍ້ອນການລົງທຶນຂອງລັດຖະບານສູນກາງ,ຊີວິດການເປັນຢູ່ຂອງປະຊາຊົນໄດ້ດີຂຶ້ນຢ່າງຫຼວງຫຼາຍ."
ໃນຂະນະທີ່ພັດທະນາເສດຖະກິດ,ຕິເບດກໍ່ເອົາໃຈໃສ່ທີ່ສຸດນຳບັນຫາອະນຸລັກສິ່ງແວດລ້ອມ.ໃນທົ່ວເຂດໄດ້ສ້າງເຂດສະຫງວນທຳມະຊາດ 38 ແຫ່ງ,ກວມເນື້ອທີ່ທັງໝົດຂອງທົ່ວເຂດ 1/3 ຂຶ້ນໄປ.ລັດຖະບານສູນກາງຍັງໄດ້ລົງທຶນປົວແປງສິ່ງແວດລ້ອມທຳມະຊາດເຂດພູພຽງຕິເບດຢ່າງຮອບດ້ານບົນພື້ນຖານທີ່ເຄີຍມີມາ.ທ່ານຊຽງບາພິງໂຊກ່າວວ່າ:
"ສິ່ງແວດລ້ອມຂອງຕິເບດເວົ້າໄດ້ວ່າບໍ່ພຽງແຕ່ແມ່ນບັນຫາຂອງຕິເບດເທົ່ານັ້ນ,ຫາກຍັງໄດ້ພົວພັນເຖິງບັນຫາຊີວະພາບຂອງທົ່ວປະເທດພວກເຮົາກໍ່ຄືທົ່ວພາກພື້ນອາຊີປາຊີຟິກ,ສະນັ້ນ,ລັດຖະບານສູນກາງຈຶ່ງໄດ້ເອົາໃຈໃສ່ທີ່ສຸດ.ເຜົ່າຕິເບດພວກເຮົາ,ຍັງຈະດຳລົງຊີວິດຕໍ່ໄປທຸກເຊັ່ນຄົນຢູ່ໃນດິນແດນແຫ່ງນີ້,ສະນັ້ນ,ພວກເຮົາກໍ່ຈະຮັກສາທຳມະຊາດໃນດິນແດນແຫ່ງນີ້ຄືຮັກສາໜ່ວຍຕາຂອງພວກເຮົາເອງ."
|
