|
ເຈົ້າຄອງກຳແພງເມືອງດາວາວແຫ່ງຟີລິບປິນຕິຕຽນກອງທະຫານອາເມລິກາເຄື່ອນໄຫວຢູ່ມິນດານາວ
cri
Author: cai
ຕາມຂ່າວສານຊີນຮວາ:ວັນທີ 20 ມິຖຸນານີ້,ສື່ມວນຊົນຟີລິບປິນແຈ້ງຂ່າວວ່າ,ຫວ່າງມໍ່ໆນີ້,ທ່ານໂຣດຣີໂກ ດູເຕີເຕ ເຈົ້າຄອງກຳແພງເມືອງດາວາວ ເມືອງໃຫຍ່ກວ່າໝູ່ຂອງເຂດມິນດານາວ ພາກໃຕ້ຟີລິບປິນໄດ້ຕິຕຽນວ່າ,ການເຄື່ອນໄຫວຂອງກອງທະຫານອາເມລິກາຢູ່ເຂດມິນດານາວໄດ້ເຮັດໃຫ້ສະຖານະການທ້ອງຖິ່ນເຄັ່ງຕຶງຂຶ້ນກວ່າເກົ່າ.
ຫວ່າງມໍ່ໆນີ້,ຢູ່ເຂດມິນດານາວ,ໄດ້ເກີດເຫດການຫຼອນໂຈມຕີດ້ວຍລະເບີດທີ່ແນໃສ່ລົດເມຫຼາຍເທື່ອ,ພາໃຫ້ສິບກວ່າຄົນເສຍຊີວິດຫຼືບາດເຈັບ.ຕຳຫຼວດເຫັນວ່າ,ນີ້ແມ່ນການກໍ່ຄວາມຮຸນແຮງຂອງອົງການຕ້ອງໂທດທີ່ຂູ່ເອົາເງິນນຳບໍລິສັດລົດຍົນ.ກອງທະຫານອາເມລິກາກໍ່ໄດ້ເປັນເຈົ້າການເຂົ້າຮ່ວມການສຳຫຼວດເຫດການດັ່ງກ່າວ.
ທ່ານດູເຕີເຕເຫັນວ່າ,ຄວາມຂັດແຍ່ງແລະການປະທະກັນລະຫວ່າງກອງປະກອບອາວຸດຕ້ານລັດຖະບານກັບອົງການປົກຄອງທ້ອງຖິ່ນເຂດມິນດານາວໄດ້ມີມາແຕ່ດົນນານແລ້ວ,ຕ້ອງໃຫ້ຄົນທ້ອງຖິ່ນຊອກຫາວິທີແກ້ໄຂເອົາເອງ,ກໍ່ຄືບັນຫາອີຣັກ,ພຽງແຕ່ອາໄສກຳລັງການທະຫານແມ່ນແກ້ໄຂບໍ່ໄດ້.ນອກນີ້,ທ່ານຍັງເປັນຫ່ວງວ່າ,ກອງທະຫານອາເມລິກາຈັດການຊ້ອນຮົບຢູ່ເຂດມິນດານາວຈະເຮັດໃຫ້ພວກກໍ່ການຮ້າຍສາກົນສົນໃຈນຳ.
|
|
