|
ທົ່ວໂລກໄດ້ສ້າງຕັ້ງໂຮງຮຽນຂົງຈື້ແລະຈັດຫ້ອງຮຽນຂົງຈື້156ແຫ່ງແລ້ວ
cri
ຕາມຂ່າວສານຊິນຮວາ,ນັບມາຮອດວັນທີ1ມິຖຸນານີ້,ໃນທົ່ວໂລກໄດ້ມີ54ປະເທດແລະເຂດແຄວ້ນໄດ້ສ້າງຕັ້ງໂຮງຮຽນຂົງຈື້ແລະຈັດຫ້ອງຮຽນຂົງຈື້ລວມ156ແຫ່ງແລ້ວ.
ທ່ານນາງສູລິນ ຫົວໜ້າຫ້ອງການໜ່ວຍນຳພາການເຜີຍແຜ່ພາສາຈີນກາງຕໍ່ຕ່າງປະເທດແຫ່ງຊາດຈີນແຈ້ງໃຫ້ຊາບວ່າ,ປັດຈຸບັນ,ມີ205ອົງການໄດ້ຮ້ອງຂໍສ້າງຕັ້ງໂຮງຮຽນຂົງຈື້ຫຼືຈັດຫ້ອງຮຽນຂົງຈື້.ຕາມຄາດຄະເນວ່າ,ເມື່ອຮອດທ້າຍປີນີ້,ຈຳນວນໂຮງຮຽນຂົງຈື້ແລະຫ້ອງຮຽນຂົງຈື້ໃນທົ່ວໂລກຈະມີເຖິງ200ແຫ່ງ.
ນາງສູລິນກ່າວວ່າ,ການຮຽນພາສາຈີນສືບຕໍ່ໄດ້ຮັບຄວາມນິຍົມຢູ່ຕ່າງປະເທດ.ນາງກ່າວວ່າ, ໜ້າທີ່ສຳຄັນຂອງໂຮງຮຽນຂົງຈື້ແມ່ນເຜີຍແຜ່ພາສາຈີນກາງ,ສ່ວນຫຼາຍແມ່ນຈີນກັບຕ່າງປະເທດຮ່ວມມືສ້າງຕັ້ງຂຶ້ນ,ຫ້ອງການໜ່ວຍນຳພາການເຜີຍແຜ່ພາສາຈີນກາງຕໍ່ຕ່າງປະເທດແຫ່ງຊາດຈີນສົ່ງເສີມການເຜີຍແຜ່ພາສາຈີນກາງດ້ວຍຫຼາຍຊ່ອງທາງ.
|
|
