|
|
 |
| (GMT+08:00)
2007-06-21 17:57:06
|
 |
|
ອົງການຈັດຕັ້ງມິດຕະພາບຝ່າຍພົນລະເມືອງຈີນອາຊຽນວາງແຜນການເພີ່ມທະວີການຮ່ວມມື
cri
ຕາມຂ່າວສານຊີນຮວາ: ກອງປະຊຸມອົງການຈັດຕັ້ງມິດຕະພາບຝ່າຍພົນລະເມືອງຈີນອາຊຽນຄັ້ງທີສອງທີ່ຈັດຂຶ້ນຢູ່ເມືອງສລິບາກາວານ ນະຄອນຫລວງບຼູໄນເປັນເວລາສອງມື້ໄດ້ອັດລົງແລ້ວໃນວັນທີ 21 ມິຖຸນານີ້,ໃນເວລາປິດປະຊຸມ, ຜູ່ແທນທີ່ຮ່ວມປະຊຸມໄດ້ເຊັນແຜນການດຳເນີນງານກ່ຽວກັບການປະຕິບັດຖະແຫລງການຣ່ວມມືຂອງອົງການຈັດຕັ້ງມິດຕະພາບຝ່າຍພົນລະເມືອງຈີນອາຊຽນ,ເພື່ອລົງເລິກແລະປັບປຸງການພົວພັນຄູ່ຍຸດທະສາດຈີນອາຊຽນ, ຊຸຍູ້ການແລກປ່ຽນແລະການຮ່ວມມືລະຫວ່າງສອງຝ່າຍ.
ອີງຕາມແຜນການດຳເນີນງານແຕ່ປີ 2007 ຫາປີ 2012 ສະບັບນີ້, ອົງການຈັດຕັ້ງມິດຕະພາບຝ່າຍພົນລະເມືອງຈີນແລະບັນດາປະເທດອາຊຽນຈະໃຊ້ການເຄື່ອນໄຫວພ້ອມກັນ, ຮັກສາໃຫ້ອົງການຈັດຕັ້ງຂອງສອງຝ່າຍຕິດຕໍ່ພົວພັນແລະຢ້ຽມຢາມກັນເປັນປະຈຳແລະສ້າງການຕິດຕໍ່ພົວພັນດ້ວຍສາຍດ່ວນລະຫວ່າງອົງການຈັດຕັ້ງຕ່າງໆ.
ທ່ານນາງກູ້ຊິ້ວຫລຽນ ຮອງປະທານຄະນະປະຈຳສະພາປະຊາຊົນແຫ່ງຊາດຈີນ ປະທານສະມາຄົມຈີນອາຊຽນພ້ອມກັບຜູ່ແທນຂອງອົງການຈັດຕັ້ງມິດຕະພາບຝ່າຍພົນລະເມືອງຂອງ 10 ປະເທດອາຊຽນໄດ້ເຊັນເອກະສານດັ່ງກ່າວ.
ກອງປະຊຸມອົງການຈັດຕັ້ງມິດຕະພາບຝ່າຍພົນລະເມືອງຈີນອາຊຽນຄັ້ງຫນ້າຈະຈັດຂຶ້ນຢູ່ອິນໂດເນເຊຍ.
|
|
|
