|
|
 |
| (GMT+08:00)
2007-06-21 18:11:04
|
 |
|
ຈີນຈະປະຕິບັດນະໂຍບາຍພິເສດໃຫມ່ໃນດ້ານສ່ວຍສາອາກອນເພື່ອຊຸກຍູ້ໃຫ້ຄົນພິການປະກອບອາຊີບ
cri
Author: cai
ຕາມຂ່າວ cri:ວັນທີ 21 ມິຖຸນານີ້,ກະຊວງການເງິນຈີນໄດ້ແຈ້ງຂ່າວວ່າ,ແຕ່ວັນທີ 1 ກໍລະກົດປີນີ້ເປັນຕົ້ນໄປ,ຈີນຈະປະຕິບັດນະໂຍບາຍໃຫ້ຂໍ້ສະດວກພິເສດໃໝ່ດ້ານພາສີອາກອນເພື່ອຊຸກຍູ້ໃຫ້ຄົນພິການປະກອບອາຊີບ.
ນະໂຍບາຍໃໝ່ໄດ້ເປີດກວ້າງຂອບເຂດວິສາຫະກິດທີ່ມີສິດໄດ້ຮັບຂໍ້ສະດວກພິເສດດ້ານພາສີອາກອນ,ແຕ່ກ່ອນແມ່ນເອົາວິສາຫະກິດສະຫວັດດີການທີ່ພາກສ່ວນການປົກຄອງແລະປະຊາສົງເຄາະ ຫ້ອງການຄຸ້ມຖະໜົນແລະອົງການປົກຄອງຂອງຊົນນະບົດສ້າງຂຶ້ນເປັນຕົ້ນຕໍ,ດຽວນີ້ຂະຫຍາຍອອກຮອດວິສາຫະກິດກຳມະສິດທຸກປະເພດແລະຫົວໜ່ວຍອື່ນໆ.
ແຕ່ຊຸມປີ 1980 ສັດຕະວັດແລ້ວນີ້ເປັນຕົ້ນມາ,ຈີນໄດ້ວາງນະໂຍບາຍໃຫ້ຂໍ້ສະດວກພິເສດດ້ານພາສີອາກອນຈຳນວນໜຶ່ງທີ່ສົ່ງເສີມໃຫ້ພັດທະນາວິສາຫະກິດສະຫວັດດີການ.ຄຽງຄູ່ກັບເສດຖະກິດພັດທະນາ,ນະໂຍບາຍພາສີອາກອນສຳລັບວິສາຫະກິດສະຫວັດດີການແຕ່ກ່ອນບໍ່ສາມາດສອດຄ່ອງກັບຄວາມຮຽກຮ້ອງຕ້ອງການຂອງສະຖານະການໃໝ່ແລ້ວ.
ຕາມສະຖິຕິ,ປະຈຸບັນ,ຈີນມີຄົນພິການເກືອບ 83 ລ້ານຄົນ,ມີ 22 ລ້ານ 6 ແສນ 6 ໝື່ນຄົນໄດ້ປະກອບອາຊີບແລ້ວ.
|
|
|
