|
|
 |
| (GMT+08:00)
2007-06-24 19:06:59
|
 |
|
ງານວັດທະນະທຳໂອລິມປິກປັກກິ່ງປີ2008ຄັ້ງທີ5ໄຂຂຶ້ນ
cri
Author: shuo
ຕາມຂ່າວCRI:ວັນທີ23ມິຖຸນານີ້,ງານວັດທະນະທຳໂອລິມປິກປັກກິ່ງປີ2008ຄັ້ງທີ5ໄດ້ໄຂຂຶ້ນຢູ່ປັກກິ່ງ.ນີ້ແມ່ນງານວັດທະນະທຳຄັ້ງສຸດທ້າຍກ່ອນງານກິລາໂອລິມປິກປັກກິ່ງໄຂຂຶ້ນ.
ຫົວຂໍ້ຂອງງານວັດທະນະທຳຄັ້ງນີ້ແມ່ນ "ໂລກດຽວກັນ ຄວາມຝັນດຽວກັນ--ຂ້ອຍເຂົ້າຮ່ວມ ຂ້ອຍປະກອບສ່ວນ ຂ້ອຍມີຄວາມມ່ວນຊື່ນ".ນີ້ແມ່ນງານວັດທະນະທຳທີ່ມີເນື້ອໃນອຸດົມສົມບູນກວ່າໝູ່ແລະມີລັກສະນະເຂົ້າຮ່ວມຫຼາຍກວ່າໝູ່ແຕ່ປັກກິ່ງກະກຽມງານກິລາໂອລິມປິກເປັນຕົ້ນມາ,ບໍ່ພຽງມີການເຄື່ອນໄຫວກິລາຂອງມວນຊົນທໍ່ນັ້ນ,ຍັງມີກິດຈະກຳຕ່າງໆ110ກວ່າຊະນິດ ເຊັ່ນ ການສາຍຮູບເງົາກິລາ ເວທີປຶກສາຫາລືກິລາໂອລິມປິກ ຄອນເຊີດກາງແຈ້ງແລະການ ວາງສະແດງເປັນຕົ້ນ.ງານວັດທະນະທຳຈະຈັດຮອດວັນທີ15ກໍລະກົດປີນີ້.
ອີງຕາມຂໍ້ກຳນົດຂອງຄະນະກຳມະການໂອລິມປິກສາກົນ,ຕົວເມືອງທີ່ຈັດງານກິລາໂອລິມປິກຕ້ອງຈັດງານວັດທະນະທຳໂອລິມປິກ,ເພື່ອເຜີຍແຜ່ຄວາມຮູ້ໂອລິມປິກແລະຈິດໃຈໂອລິມປິກ.ງານວັດທະນະທຳໄດ້ກາຍເປັນເວທີສຳຄັນທີ່ປະເທດແລະຕົວເມືອງເຈົ້າພາບໂຄສະນາວັດທະນະທຳແຫ່ງຊາດຂອງຕົນ.
|
|
|
