|
|
 |
| (GMT+08:00)
2007-06-24 19:37:56
|
 |
|
ປະທານາທິບໍດີຊູດັງພົບປະກັບຜູ້ຕາງໜ້າພິເສດຂອງຈີນກ່ຽວກັບບັນຫາດາຟູ
cri
Author: shuo
ຕາມຂ່າວສານຊິນຮວາ:ວັນທີ23ມິຖຸນານີ້,ຢູ່ທຳນຽບປະທານາທິບໍດີທີ່ກາກຕູມ,ທ່ານໂອເມີ ອານ ບາເຊີ ປະທານາທິບໍດີຊູດັງໄດ້ພົບປະກັບທ່ານລິວກຸ້ຍຈິ່ນ ຜູ້ຕາງໜ້າພິເສດຂອງລັດຖະບານຈີນກ່ຽວກັບບັນຫາດາຟູທີ່ໄປຢ້ຽມຢາມ.
ໃນການພົບປະ,ທ່ານບາເຊີເວົ້າວ່າ,ການຢ້ຽມຢາມຊູດັງທາງລັດຖະກິດໃນຕົ້ນປີນີ້ຂອງທ່ານຫູຈິນທ່າວ ປະທານປະເທດຈີນແມ່ນຫຼັກໝາຍທາງອັນໃໝ່ໃນປະຫວັດການພັດທະນາການພົວພັນມິດຕະພາບລະຫວ່າງຊູດັງກັບຈີນ.ຈີນໄດ້ທຳຄວາມພະຍາຍາມຢ່າງ ໃຫຍ່ຫຼວງເພື່ອຊຸກຍູ້ໃຫ້ບັນຫາດາຟູໄດ້ຮັບການແກ້ໄຂໂດຍໄວ,ແລະໄດ້ເສີມຂະຫຍາຍບົດ ບາດທີ່ມີລັກສະນະສ້າງສັນໂດຍຕະຫຼອດ.
ທ່ານບາເຊີຍັງເວົ້າວ່າ,ໃນຫວ່າງກ່ອນນີ້ບໍ່ດົນ,ລັດຖະບານຊູດັງໄດ້ປະກາດຮັບເອົາການເຄື່ອນໄຫວຮັກສາສັນຕິພາບປະສົມຢູ່ດາຟູ,ອັນໄດ້ຢັ້ງຢືນໃຫ້ເຫັນຄວາມຈິງໃຈຂອງລັດຖະບານຊູດັງທີ່ຍິນດີປະສານສົມທົບກັບປະຊາຄົມໂລກຢ່າງຕັ້ງໜ້າເພື່ອຊຸກຍູ້ໃຫ້ບັນຫາດາຟູໄດ້ຮັບການແກ້ໄຂ.ພາຍໃຕ້ຄວາມພະຍາຍາມຮ່ວມຂອງລັດຖະບານຊູດັງແລະຝ່າຍທີ່ກ່ຽວຂ້ອງ,ສະພາບມະນຸດສະທຳແລະຄວາມປອດໄພຂອງເຂດດາຟູກໍໄດ້ຮັບການປັບປຸງໃຫ້ດີຂຶ້ນຢ່າງເດັ່ນຊັດ.
ທ່ານລິວກຸ້ຍຈິ່ນເວົ້າວ່າ,ເລື່ອງຈິງພິສູດໃຫ້ເຫັນວ່າ,ການປຶກສາຫາລືກັນລະຫວ່າງສາມຝ່າຍ ຄື ລັດຖະບານຊູດັງ ສະຫະພາບອາຟຼິກາແລະສະຫະປະຊາຊາດແມ່ນກົນໄກແຫ່ງການແກ້ໄຂບັນຫາທີ່ບັງເກີດຜົນ.ປະຈຸບັນນີ້,ປະຊາຄົມໂລກຄວນສືບຕໍ່ທຳຄວາມພະຍາຍາມພາຍໃຕ້ຂອບຂອງກົນໄກດັ່ງກ່າວ,ເລັ່ງລັດຂະບວນການເມືອງຂອງດາຟູໃຫ້ໄວເຂົ້າ.
|
|
|
