|
ລັດຖະມົນຕີຊ່ວຍວ່າການກະຊວງການຄ້າຈີນກ່າວວ່າ ຈີນໄດ້ດຳເນີນການສຳຫຼວດຕ້ານການຂາຍເລ 48 ລາຍຕໍ່ຜະລິດຕະພັນນຳເຂົ້າ
cri
Author: cai
ຕາມຂ່າວສານຊີນຮວາ:ວັນທີ 25 ມິຖຸນານີ້,ທ່ານເກົາຫູເຊີງ ລັດຖະມົນຕີຊ່ວຍວ່າການກະຊວງການຄ້າຈີນກ່າວວ່າ,ນັບແຕ່ຈີນດຳເນີນການສຳຫຼວດຕ້ານການຂາຍເລຄັ້ງທຳອິດກ່ຽວກັບເຈ້ຍໜັງສືພິມທີ່ນຳເຂົ້າເມື່ອທ້າຍປີ 1997 ເປັນເວລາ 10 ປີມານີ້,ນັບລວມແລ້ວ,ຈີນໄດ້ດຳເນີນການສຳຫຼວດຕ້ານການຂາຍເລ 48 ລາຍກ່ຽວກັບຜະລິດຕະພັນນຳເຂົ້າ,ໄດ້ເລີ່ມໃຊ້ຮີດສາກົນຂະຫຍາຍແລະປົກປ້ອງຜະລິດຕະກຳຂອງຕົນ.
ໃນຂົງເຂດການຄ້າສາກົນ,ການປະຕິບັດມາດຕະການຕ້ານການຂາຍເລໂດຍແນໃສ່ການຂາຍເລຜະລິດຕະພັນດ້ວຍລາຄາຕ່ຳທີ່ໄດ້ທຳລາຍຜະລິດຕະກຳພາຍໃນປະເທດໃນດ້ານທາດແທ້ນັ້ນ,ແມ່ນວິທີກອບກູ້ການຄ້າອັນໜຶ່ງທີ່ອົງການການຄ້າໂລກຫຼື WTO ອະນຸຍາດໃຫ້ນຳໃຊ້ເພື່ອປົກປ້ອງລະບຽບການຄ້າອັນທ່ຽງທຳແລະປ້ອງກັນຄວາມປອດໄພຂອງຜະລິດຕະກຳພາຍໃນປະເທດ.
|
|
